News
Լրահոս
News
Երկուշաբթի
Հուլիս 23
Տեսնել լրահոսը

Հունիսի 22-ին Արցախի Հանրապետության ոստիկանության պետ¸ ոստիկանության գնդապետ Իգոր Գրիգորյանն այցելել է ոստիկանության Հադրութի շրջանային բաժին եւ հանդիպում ունեցավ շրջբաժնի ծառայողների հետ։

Արցախի ոստիկանությունից NEWS.am-ին հայտնում են, որ հանդիպմանը մասնակցել են¸ Հադրութի շրջվարչակազմի ղեկավար Իվան Ավանեսյանը¸ ոստիկանության պետի 1-ին տեղակալ¸ ոստիկանության գեներալ-մայոր Անդրանիկ Հակոբյանը¸ շրջանի դատախազն ու ազգային անվտանգության ծառայության պատասխանատուն։

Սկզբից ոստիկանության կադրերի բաժնի պետ¸ ոստիկանության փոխգնդապետ Արմեն Բաղրյանը հրապարակել է ոստիկանության պետի հրամանները¸ որոնց համաձայն ոստիկանության փոխգնդապետ Արծվիկ Հայրապետյանը անձնական նախաձեռնությամբ երկարամյա ծառայության կենսաթոշակի անցնելու կապակցությամբ ազատվել է Արցախի Հանրապետության ոստիկանությունում ծառայությունից¸ իսկ ոստիկանության մայոր Արտյոմ Ավանեսյանը ազատվել է ոստիկանության տնտեսական եւ պաշտոնեական հանցագործությունների դեմ պայքարի բաժնի հատկապես կարեւոր գործերով ավագ օպերլիազորի պաշտոնից եւ նշանակվել ոստիկանության Հադրութի շրջանային բաժնի պետի պաշտոնին։

Ոստիկանության պետը շնորհակալություն է հայտնել Արծվիկ Հայրապետյանին ոստիկանության համակարգում երկարամյա ծառայության եւ շրջանի բնակիչների անկեղծ հարգանքին արժանանալու համար եւ պարգեւատրել նրան հուշանվերով։

Նորանշանակ շրջբաժնի պետին մաղթելով արգասաբեր ծառայության ոստիկանության պետը համոզմունք է հայտնել¸ որ ոստիկանության մայոր Արտյոմ Ավանեսյանը ամրապնդելով համագործակցությունը ինչպես շրջվարչակազմի¸ այնպես էլ շրջանի իրավապահ կառույցների պատասխանատուների հետ¸ իր սկզբունքայնությամբ կկարողանա անհանդուրժողականություն դրսեւորել օրինախախտի հանդեպ¸ իսկ հոգատար ու սրտացավ վերաբերմունքի միջոցով՝ էլ ավելի ամրապնդել հասարակության կողմից ոստիկանության հանդեպ վստահությունը։

Շրջվարչակազմի ղակավար Իվան Ավանեսյանը իր հերթին շնորհավորելով նորանշանակ շրջբաժնի պետին՝ պատրաստակամություն է հայտնել նպաստել ոստիկանության կողմից իրականացվող հասարակական անվտանգության պահպանման ուղղությամբ իրականացվող աշխատանքներին՝ այդ կերպ նպաստելով հասարակության խաղաղ կենսագործունեության պայմանների ապահովմանը:

Տպել
Կարդացեք նաև
Ամբողջը
Բակո Սահակյանն Արծվիկ Մինասյանի հետ տնտեսական համագործակցության հարցեր է քննարկել
Քննարկվել են հայկական երկու պետությունների...
Արցախի փողոցում շենքի բակում դանակահարություն է եղել
Ոստիկանության ծառայողները Արցախի փողոցի 4-րդ նրբանցքի թիվ 8 շենքի մոտից, նշված հանցագործությունը կատարելու կասկածանքով…
Գրիգորի Մարտիրոսյանն ու Արծվիկ Մինասյանը փոքր եւ միջին ձեռնարկատիրության խթանման հարցեր են քննարկել
Արծվիկ Մինասյանը, ներկայացնելով իր գլխավորած պատվիրակության արցախյան այցելության առաջնահերթությունները...
Արցախի ԱԺ պատգամավոր Արսեն Առստամյանը հրաժարականի դիմում է ներկայացրել
Եթե հրաժարականի հրապարակումից հետո մեկ շաբաթվա ընթացքում պատգամավորը գրավոր դիմումով հետ է վերցնում...
Արցախում հացահատիկային մշակաբույսերի բերքի իրացման խնդիրներ չկան. պետնախարար
Պետնախարարի առաջարկով շրջվարչակազմերի ղեկավարները ներկայացրել են բերքահավաքի եւ ընթացիկ գյուղատնտեսական աշխատանքների մասին հաշվետվություններ՝ ըստ շրջանների…
Արցախում քննարկել են Քաշաթաղում ու Սյունիքում արածող անասունների համարակալման հարցը
Պետնախարարն ընդունել է ՀՀ Սննդի անվտանգության պետական ծառայության պատվիրակությանը...
Ամենաշատ
Partner news