Իրանի ատոմային էներգիայի կազմակերպության՝ երկրում ատոմային էլեկտրակայանների բոլոր գործողությունները վերահսկող պետական կորպորացիայի ղեկավար Ալի Աքբար Սալեհին ուրբաթ օրը Իրանի հետ «հնգյակի» միջուկային համաձայնագրի չեղարկման դեպքում եվրոպական երկրներին նախազգուշացրել է «սարսափելի ապագայի» մասին, հաղորդում է TCH-ն՝ վկայակոչելով իրանական «Պրես TV» հեռուստաալիքը:
«Եթե Եվրամիությունը եւ մյուս երկրները, որոնք սջակցում են համատեղ համապարփակ գործողությունների ծրագրին, ժամանակին չցուցադրեն իրենց սկզբունքային դիրքորոշումը՝ ի պատասխան ԱՄՆ քաղաքականությանը, նրանք միջուկային գործարքի ձախողման պատճառով սարսափելի ապագայի եւ աննախադեպ ցածր անվտանգության կբախվեն տարածաշրջանում եւ ամբողջ աշխարհում»,- Օսլոյում ասել է Սալեհին:
Նրա կարծիքով՝ եվրոպական երկրները պետք է քննադատությամբ հանդես գան ԱՄՆ-ի՝ Թեհրանի հետ միջուկային գործարքից դուրս գալու որոշման կապակցությամբ:
