News
Լրահոս
News
Երեքշաբթի
Հուլիս 17
Տեսնել լրահոսը

Մայիսի 6-ին հրազենային վիրավորումից մահացած 19-ամյա զինծառայող Լեւոն Թորոսյանի հարազատները մտադիր  են դիմել վարչապետ Նիկոլ Փաշինյանին: NEWS.am-ի հետ զրույցում ասաց մահացած զինծառայողի հորեղբայրը՝ Արմեն Թորոսյանը: Նշենք, որ նրանք չեն հավատում ինքնասպանության վարկածին եւ կարծում են, որ Լեւոնին սպանել են:

«Գործում դեռ որեւէ առաջընթաց չկա: Մեղադրանք է առաջադրվել կրտսեր սերժանտին, բայց նա անմեղ զոհ է այս գործում, քանի որ մեր երեխեն հրամանատարից էր բողոքում, բայց նրա մեղադրանք չի առաջադրվել»,-ասաց նա:

Արմեն Թորոսյանը նշեց, որ քննությունն իրականացնող  մարմնից իրենք նամակ են ստացել, որ բազմակողմանի քննություն է տարվում գործի իրական հանգամանքները պարզելու համար, սակայն ոչ մի առաջընթաց չկա գործում:

Նշենք, որ դատաբժշկական փորձաքննությամբ պարզվել է, որ զինծառայողի մարմնի վրա  կան բազմաթիվ վնասվածքներ:

Ավելի վաղ հայտնել էինք, որ մայիսի 6-ին, ժամը 07.30-ի սահմաններում, ՀՀ հյուսիսարեւելյան ուղղությամբ տեղակայված զորամասերից մեկի պահպանության տեղամասի մարտական դիրքում հայտնաբերվել է ժամկետային զինծառայող Լեւոն Արսենի Թորոսյանի (ծնված 1999թ., 2017-2 զորակոչ, Արմավիրի ԶԿ) դին՝ գլխի շրջանում ստացած մահացու հրազենային գնդակային վիրավորումով:

Վեցերորդ կայազորային քննչական բաժնում հարուցվել է քրեական գործ` ՀՀ քրեական օրենսգրքի 110-րդ հոդվածի 1-ին մասով (սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով անձին անուղղակի դիտավորությամբ կամ անզգուշությամբ ինքնասպանության կամ ինքնասպանության փորձի հասցնելը):

NEWS.am-ը հայտնել էր, որ Լեւոն Թորոսյանը Արմավիր մարզի Բամբակաշատ գյուղից էր, տան միակ արու զավակը: Մահացած զինծառայողն ունի իրենից փոքր 2 քույր, ընտանիքն էլ սոցիալապես անապահով է: Մահացածի ծնողները  աշխատանք չունեն, զբաղվում են հողագործությամբ:

Տպել
Կարդացեք նաև
Ամբողջը
Դա չի նշանակում, որ իր որդուն այցելող ծնողն իրավունք չունի հետը միս տանել ու խորոված անել. Փաշինյանը պարզաբանում է
Ոչ ոք չի ասում, որ ծնողն իրավունք չունի իր երեխային համար շոկոլադ կամ տորթ տանել...
Բանակում եւ հագուստի, եւ կոշիկի, եւ սննդի հարցը պետք է բարելավվի, այստեղ երկրորդ կարծիք չկա. Փաշինյան
Զինծառայողների համազգեստի հետ կապված, նաեւ այլ հարցերի հետ կապված միշտ էլ փոփոխություններ արվում են եւ խնդիր է դրված, որ որակն ավելի լավանա...
Հիվանդ զինակոչիկները չե՞ն հայտնվի բանակում. նրանց առողջության փորձաքննության կարգը փոխվել է
ՊՆ-ում բուժծառայության գերակա խնդիրը զինծառայողների առողջության պահպանումն է, սանիտարահիգիենիկ իրավիճակի կարգավորումը եւ մարտական դիրքերում եւ զորանոցներում...
Զորամասին հատկացված վառելիքի հափշտակության համար մեղադրանք է առաջադրվել 8 անձի. այդ թվում, գնդապետի
Նախնական քննությամբ փաստական տվյալներ են ձեռք բերվել առ այն, որ N զորամասի հրամանատարը, կոչումով՝ գնդապետ, օգտագործելով իր պաշտոնեական դիրքը…
Բանակում բոլոր զինվորները ապահովված կլինեն անհրաժեշտ պարագաներով. Արտակ Դավթյան
Հույս ունեմ զորակոչը կանցնի առանց խոչընդոտների ու միջադեպերի։ Եթե խնդիրներ էլ լինեն, օպերատիվ կերպով կփորձենք միջամտել...
Դավիթ Տոնոյանը հանձնարարել է թույլ չտալ չարաշահում՝ զինծառայողների ճանապարհածախսերի հետ կապված
Նույն ժամանակ ՀՀ ՊՆ-ը հորդորում է տրանսպորտային ընկերություններին եւ առանձին միջոցների վարորդներին, որոնք զորամասերից զինծառայողներին…
Ամենաշատ
Partner news