ԱՄՆ-ում բուրբոնի պահեստը փլուզվել է, վիսկիով 9 հազարավոր տակառներ փլատակների տակ են հայտնվել, հաղորդում է «ՌԻԱ Նովոստին»՝ վկայակոչելով Bloomberg-ին:
Փլուզումը տեղի է ունեցել ուրբաթ Քոնեքթիքութի Barton 1792 Distillery օղեգործարանի պահեստում: Սեփականատիրոջ խոսքով, փլուզման ժամանակ 20-րդ դարի 40-ականներին կառուցված շենքում, մոտ 18 հազար 200 լիտր տարողությամբ տակառներ են եղել:
«Մենք գնահատում ենք, թե քանի անվնաս տակառ կարող ենք հանել», —հայտնել են Sazerac ընկերությունում, որին պատկանում է գործարանը:
«Պահեստում պահվում էր թորման տարբեր ժամկետների արտադրանք», - նշել է ընկերությունը, ասելով որ կորուստների հաշվարկը կարող է երկար ժամանակ տեւել:
Նշվում է, որ միջադեպի արդյունքում ոչ ոք չի տուժել: Տեղական իշխանությունները մտահոգված են, որ վիսկիի մեծ քանակությունը կարող է տեղական ջրամբարում հայտնվել, սակայն փորձանմուշները աղտոտում չեն հայտնաբերել: