Ցնցված ականատեսը տեսագրել է, թե ինչպես է Բրազիլիայի Մանաուս քաղաքում ճանապարհն արգելափակել անսովոր հետիոտնը՝ շուրջ երեք ու կես մետր երկարությամբ անակոնդան, փոխանցում է «ՌԻԱ Նովոստին»։ Տեսանյութում երեւում է, թե ինչպես է ճանապարհային երթեւեկությունը կաթվածահար եղել օձի պատճառով, եւ որ վարորդները դուրս են գալիս անակոնդային նայելու։
Տեսանյութի հեղինակը մեկնաբանությունում հայտնել է, որ ճանապարհի այս հատվածը հատում է քաղաքի կանաչ գոտին, ուստի այստեղ կարելի է հանդիպել նաեւ ֆաունայի վայրի ներկայացուցիչների։