Զիմբաբվեի մարզադաշտում տեղի ունեցած պայթյունի հետեւանքով տուժածների թիվը, որտեղ ներկա էր նախագահ Էմերսոն Մնանգագվան, հասել է 41-ի, զոհեր չկան: Այս մասին հաղորդում է «ՌԻԱ Նովոստի»-ն՝ վկայակոչելով տեղական Local Mail թերթը եւ երկրի առողջապահության նախարարությունը:
Ավելի վաղ հաղորդվել էր, որ պայթյունի հետեւանքով 8 մարդ է վիրավորվել: Ըստ բժիշկների՝ որոշ վիրավորներ վիրահատվել են, մյուսների վնասվածքները գնահատվում են որպես աննշան:
Պայթյունը տեղի էր ունեցել շաբաթ օրը Բուլավայո քաղաքի White City Stadium մարզադաշտում, որտեղ անցկացվում էր Մնանգագվայի նախընտրական հանրահավաքը: Ինքը՝ նախագահը, չի տուժել եւ հաջողությամբ տարհանվել է: Վնասվածքներ են ստացել պաշտոնյաները եւ ոստիկանության աշխատակիցները:
2017 թվականի նոյեմբերի վերջին 93-ամյա Ռոբերտ Մուգաբեն զինվորականների եւ իշխող ZANU-PF կուսակցության ճնշման ներքո հրաժարակն էր տվել Զիմբաբվեի նախագահի պաշտոնից: Նախկին փոխնախագահ Էմմրսոն Մնանգագվան, որը նախագահի պաշտոնի համար առաջադրվել էր ZANU-PF-ի կողմից, կզբաղեցնի այդ պաշտոնը մինչեւ 2018 թվականի հուլիսի 30-ին կայանալիք ընտրությունները: