Մերձդնեստրի Մոլդովական Հանրապետության արտաքին գործերի նախարարությունը հրաժարվել դուրս բերել Ռուսաստանի Դաշնության զորակազմը: Այս մասին նշվում է երկրի արտաքին գործերի նախարարության կայքում հրապարակված հայտարարության մեջ, փոխանցում է «ՏՍՆ»-ն:
Զորքերի դուրսբերման մասին կոչն ավելի վաղ հնչեցվել էր ՄԱԿ-ի Գլխավոր ասամբլեայի՝ «Մոլդովայի Հանրապետության տարածքից օտարերկրյա ռազմական ուժերի ամբողջական եւ անվերապահ դուրսբերման մասին» բանաձեւում:
Երկրի արտաքին գործերի նախարարության հաղորդագրության մեջ նշվում է, որ «Ռուսաստանցի զինծառայողները Մերձդնեստրում բացառապես կայուն խաղաղությանն ու անվտանգությանն ուղղված խնդիրներ են իրականացնում: Խաղաղապահներից բացի, ՌԴ այլ զինված ուժեր Մերձդնեստրի Մոլդովական Հանրապետության տարածքում չկան»:
Հիշեցնենք, որ Մերձդնեստրի Մոլդովական Հանրապետության տարածքում Ռուսաստանի Դաշնության Զինված ուժերի միավորումները տեղակայվել են 1995 թվականից: Մոլդովան բազմիցս բողոքել է դրա դեմ: Ուկրաինայի արտաքին գործերի նախարարությունը դատապարտել է ռուսական զորքերի սադրանքներն ինքնահռչակ Մերձդնեստրի տարածքում՝ նշելով, որ դրանք սպառնում են Ուկրաինային:
