News
Լրահոս
News
Շաբաթ
Դեկտեմբեր 15
Տեսնել լրահոսը

ՀՀ Տնտեսական մրցակցության պաշտպանության պետական Հանձնաժողովը կատարել է լայնածավալ ուսումնասիրություն՝ սրտի ստենտավորման վիրահատության գնագոյացման վերաբերյալ եւ պարզել, որ ստենտավորման արժեքը առաջին փուլում կարող է նվազել շուրջ 100 հազար դրամով:

ՏՄՊՊՀ-ից NEWS.am-ին հայտնում, են, որ նկատի ունենալավ այս ծառայության համար հիվանդանոցների կողմից սահմանված բավականին բարձր գինը, որը դրա կարիքն ունեցող հիվանդների մեծ մասի համար անմատչելի է, Հանձնաժողովը կարեւորել է այս տեսակի վիրահատության գնագոյացման ուսումնասիրությունը:

ՀՀ մրցակցային մարմնի կողմից կատարված հաշվարկները փաստում են, որ ստենտավորման ներկայիս արժեքը կարող է նվազել ավելի քան 100 հազար դրամով:

Եւ այսպես. ուսումնասիրության շրջանակներում դիտարկվել է ՀՀ-ում ստենտավորում իրականացնող բոլոր բուժհաստատությունների (թվով 11 ) կողմից այս ծառայության գնագոյացման շղթան: Հանձնաժողովը ծավալուն տեղեկատվություն է պահանջել բուժհաստատություններից, որի հիման վրա գնահատվել են ստենտավորման վիրահատության գնագոյացման շղթայի մաս կազմող ավելի քան 40 ծախսային բաղադրիչները՝ սկսած ստենտի արժեքից մինչեւ վիրահատական գործիքներ եւ դեղորայք:

Պարզվել է, որ 1 դեղապատ ստենտով վիրահատության արժեքը կազմում է միջինում 1.1 մլն դրամ, իսկ ինքնարժեքը՝ 840 հզ դրամ, որի 55%-ը բաժին է ընկնում նյութածախսին ( ստենտի արժեք, դեղորայք, վիրահատական պարագաներ եւ այլն ), 45 %-ը ձեւավորվում է վարչական վերադիր եւ այլ ծախսերի հաշվին ( բժշկի եւ բուժքույրերի աշխատավարձ, մաշվածության ծախս (ամորտիզացիա), կոմունալ վճարումներ եւ այլն ): ՏՄՊՊՀ ուսումնասիրությունները փաստում են, որ 1.1 մլն դրամ գնի պարագայում ստենտավորման վիրահատության շահութաբերությունը կազմում է շուրջ 25%, ինչը բավական բարձր ցուցանիշ է՝ համանման այլ բժշկական ծառայությունների գների համեմատ։

Հետեւապես, լիովին իրատեսական է, որպեսզի բուժհաստատությունները իրենց շահույթը նվազեցնելու հաշվին վերանայեն վիրահատության արժեքը՝ իջեցնելով այն շուրջ 100 հազար դրամով:

Տեղեկացնենք նաեւ, որ ընդհանուր առմամբ ստենտավորման վիրահատություններ իրականացվում են թվով 11 բուժհաստատություններ, իսկ ստենտների ներմուծում մատակարարներում են իրականացրել 7 ընկերություններ։

Հարկ ենք համարում նաեւ ընդգծել, որ ըստ Հանձնաժողովի, հետագայում եւս հնարավոր է հասնել վիրահատության արժեքի էլ ավելի նվազման՝ մատակարար ընկերությունների հետ տարվող բանակցությունների արդյունքում: Հանձնաժողովը ուսումնասիրությունների ողջ փաթեթը տրամադրել է նաեւ Առողջապահության նախարարությանը:

Տպել
Կարդացեք նաև
Ամբողջը
«Հրապարակ». Փաշինյանի հասարակական հիմունքներով խորհրդականը 120 տոկոսով ավտովարկեր է տրամադրում
Պարզվում է, Առաքելյանը շուրջ 2 տարի՝ դեռ ՀՀԿ-ի ժամանակից, զբաղեցնում է...
Հայաստանի գյուղատնտեսության ոլորտում լուրջ խնդիրներ են առաջացել. փորձագետ
Ինչ վերաբերում է անանսնապահությանը, ապա այս ոլորտի վիճակը շատ ծանր է, իսկ անասունների գլխաքանակը շարունակում է կրճատվում...
Դոլարը, եվրոն ու ռուբլին էժանացել են
Թանկարժեք մետաղների համար բանկի կողմից սահմանվել են հետեւյալ գները...
Հեղափոխությունը դարձել է Երեւանի տրանսպորտային համակարգի կոլապսի պատճառը. ՀԿ ղեկավար
Եթե ժամանակին ուղեվարձը մինչեւ 150 դրամ թանկացնելու դեմ բողոքներ չլինեին, ապա այսօր խնդիրը լուծված կլիներ…
ՎԶԵԲ-ը պատրաստ է նոր ծրագրերի իրականացմանը մասնակցել ավելի մեծածավալ ֆինանսական միջոցներով. Դիմիտրի Գվինդաձե
Հակոբ Արշակյանն ընդունել է ՎԶԵԲ Հայաստանի գրասենյակի ղեկավարին...
Ալավերդու պղնձաձուլական գործարանի աշխատողները նոր ծանուցումներ չեն ստացել. «Վալլեքս» գրուպ
Նոյեմբեր-դեկտեմբեր ամիսներին՝ ներառյալ սույն հաղորդագրության տարածման պահը, Ընկերությունը՝ աշխատողների քանակի եւ (կամ) հաստիքների կրճատման հիմքով...
Partner news