Հաջորդ տարի նախատեսվում է Խոշտանգումների կանխարգելման կոմիտեի ներկայացուցիչների այցը Հայաստան: Այս մասին մարդու իրավունքների վերաբերյալ հանրային քննարկումների ժամանակ հայտարարել է իրավապաշտման Արթուր Սաքունցը: Քննարկումները կազմակերպվել են «Հանուն հավասար իրավունքների» հասարակական կազմակերպության կողմից ԵՄ-ի եւ Բաց հասարակության հիմնադրամի կողմից ֆինանսավորվող երկամյա ծրագրի շրջանակներում:
«Հայաստանի իշխանություններին յուրօրինակ քննություն է սպասվում՝ կհաջողվի արդյոք նրանց կարճ ժամանակահատվածում բազմաթիվ խնդիրներ լուծել, եւ ինչպես են նոր հնարավորություններն օգտագործվել տխուր պատկերը վերացնելու համար, որը կոմիտեի ներկայացուցիչները գրանցել են տարիներ շարունակ»,- ասել է Սաքունցը:
Նրա խոսքով՝ նախկինում հանձնաժողովը հարցեր էր բարձրացնում ոստիկանական բաժանմունքներում խոշտանգումների քննության վերաբերյալ: Ինչպես հայտնի է, եթե ժամանակին դատաբժշկական փորձաքննություն չանցկացնել, հետքերը պարզապես անհետանում են, հիշեցրել է իրավապաշտպանը:
Նա նշել է, որ ոստիկանական բաժանմունքներում շուրջօրյա տեսագրություն իրականացնելու փորձնական ծրագիր է նախատեսվում, սակայն մտահոգությունների առիթ է տալիս այն հանգամանքը, որ միջոցների բացակայության պատճառով ծրագիրը կարող է հետաձգվել: Կոմիտեին հետաքրքրող հարցերից է նաեւ բանտարկյալների մահվան կամ ինքնասպանության դեպքերի, որոշ խմբերի նկատմամբ (օրինակ, ոչ ավանդական սեռական կողմնորոշման անձանց) նկատմամբ ոտնձգությունների, մարտի 1-ի իրադարձությունների եւ լրագրողների դեմ հարձակումների դեպքերի լիարժեք հետաքննությունների անցկացումը:
