Facebook-ը որոշել է դիմել, թվում է թե, ինքնասպան քայլի: Սոցիալական ցանցն իր բջջային հավելվածներում ինքնավերահսկման մեխանիզմ կներդնի. օգտատերերը ոչ միայն կարող են կիմանալ, թե որքան ժամանակ են ծախսել «ընկերների» հետ շփման համար, այլեւ՝ օգտագործման օրական լիմիտ սահմանել, հաղորդում է «Վեստի»-ն:
Նոր առանձնահատկությունը, որն առայժմ թաքցված է Facebook հավելվածի Android-ի կոդում, առաջինը հայտնաբերվել է Բոստոնից մշակող Ջեյն Վոնգի կողմից: Դրանցում երեւում է, որ հավելվածը ցույց կտա, թե քանի րոպե է օգտատերն անցկացրել սոցիալական ցանցում վերջին յոթ օրերից յուրաքանչյուրի ընթացքում, եւ թույլ կտա կարգավորել ծանուցումների ստացումն օգտատատիրոջ կողմից սահմանված լիմիտի կսպառման ժամանակ: Ավելի վաղ Վոնգը հայտնել էր նմանատիպ թաքնված հնարավորությունների մասին նաեւ Instagram-ի հավելվածում, որը եւս պատկանում է Facebook-ին:
Սոցիալական ցանցի ներկայացուցիչը TechCrunch-ի հետ զրույցում հաստատել է «Ձեր ժամանակը՝ Facebook-ում» գործառույթի մշակման մասին տեղեկությունը. «Մենք մշտապես աշխատում ենք՝ նոր եղանակներով երաշխավորելու համար, որ Facebook-ում մարդիկ շահավետ են ժամանակ անցկացնում»:
Ի դեպ, նմանատիպ գործառույթներ իր բջջային սարքերում մտադիր է ավելացնել նաեւ Apple-ը, ընդ որում, դրանք կաշխատեն համակարգային մակարդակում եւ ցանկացած հավելվածի հետ: