News
Լրահոս
News
Չորեքշաբթի
Ապրիլ 24
Տեսնել լրահոսը


«Զինված խմբի» գործով ամբաստանյալներից, պաշտպանության նախկին փոխնախարար Վահան Շիրխանյանն ազատ արձակվեց:

NEWS.am-ի թղթակիցը դատարանից հաղորդում է, որ դատավոր Արմեն Բեկթաշյանը, վերադառնալով խորհրդակցական սենյակից, որոշեց փոխել Շիրխանյանի խափանման միջոցն ու պատգամավորների անձնական երաշխավորությամբ ազատ արձակել նրան: Հիշեցնենք, որ անձնական երաշխավորություն են ներկայացրել Ազգային ժողովի «Ելք» խմբակցության պատգամավորներ Սասուն Միքայելյանն ու Հովիկ Աղազարյանը:

Նախորդ նիստերի ժամանակ ազատ էին արձակվել այդ գործով անցնող Գառնիկ Մարգարյանը, Էդուարդ Ներսիսյանը (Ապար) եւ Խաչիկ Ավետիսյանը (Զիմ): Նրանց խափանման միջոց կալանքը փոխվել էր:

Հիշեցնենք, որ 2015թ. նոյեմբերի 25-ին Ազգային անվտանգության ծառայությունը Երեւանում վնասազերծել է ծանր հանցագործություն կազմակերպելու մեջ կասկածվող խմբի: ԱԱԾ-ի փոխանցմամբ՝ նոյեմբերի 25–ին ԱԱԾ աշխատակիցները ոստիկանության հետ համատեղ տան խուզարկության ընթացքում հայտնաբերվել են տարբեր տեսակի ինքնաձիգեր, ատրճանակներ, նռնականետեր (այդ թվում՝ «Մուխա» տեսակի), նռնակներ, պայթուցիկ նյութեր եւ պայթուցիկ սարքեր, կապի միջոցներ, փամփուշտներ, փամփշտակալներ, ռազմական հանդերձանք, այդ թվում՝ զրահաբաճկոններ: Խուզարկության պահին առանձնատանը, Արթուր Վարդանյանի գլխավորությամբ, հավաքված են եղել հանցավոր խմբակցության 9 անդամները, որոնք ձերբակալվել են, ապա կալանավորվել: Ավելի ուշ մեղադրանքներ առաջադրվեցին երկու տասնյակ անձանց:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Զինված խմբի» գործով ամբաստանյալ Արթուր Վարդանյանը քաղաքացիական հիվանդանոցում է դեռ. նրան խնամում է կինը
Նշենք, որ Արթւոր Վարդանյանը տառապում է «Կրոնի» հիվանդությամբ…
«Զինված խմբի» գործով ամբաստանյալ Արթուր Վարդանյանի վիճակը կայուն ծանր է. ԲԿ–ի տնօրեն
Կալանավորը տառապում է «Կրոնի» հիվանդությամբ...
Արթուր Վարդանյանի մոտ ախտորոշվել է «Կրոնի» հիվանդություն․ փաստաբան
Փաստաբանը նաեւ հայտնեց, որ հնարավոր չի լինում Արթուր Վարդանյանի խափանման միջոց կալանքը փոխելու․․․
«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել
Արթուր Վարդանյանն այսօր դատարանում դժգոհում էր ձախ ձեռքի և ոտքի թուլությունից...
«Զինված խմբի» գործով ամբաստանյալ Արթուր Վարդանյանը եկել էր դատարան. նա դժգոհում է վերջույթների թուլությունից
Պաշտպանները կմիջնորդեն փոխել նրա խափանման միջոցը...
«Ինձ էլ գյուլլեք, գյուլլող եք». Վալերի Օսիպյանը ցուցմունք տվեց
Նա, մասնավորապես, պատմել է ՊՊԾ գնդում ժամանակ իր պանդառության մանրամասները...