Վենետիկի հանձնաժողովում եղել է քննարկում Հայաստանի Ընտրական օրենսգրքի փոփոխությունների նախապատրաստման ընթացքի վերաբերյալ։ Այս մասին այսօր՝ հունիսի 25-ին կայացած ասուլիսում ասաց վարչապետին առընթեր ընտրական օրենսդրության բարեփոխումների հանձնաժողովի քարտուղար Դանիել Իոնիսյանը:
Նա նաեւ նշեց, որ օրակարգում չկա Վենետիկի հանձնաժողովին փոփոխությունների փաթեթն ուղարկելու հարց, թեեւ Վենետիկի հանձնաժողով կուղարկվեն ամենահետաքրքիր հարցերը.
«Ավելի կարեւոր է, թե որքանով են Վենետիկի հանձնաժողովի մոտեցումները տեղ գտնելու Ընտրական օրենսգրքում։ Նախկինում, երբ Վենետիկի հանձնաժողով ուղարկվել են փոփոխությունների փաթեթը, եւ հանձնաժողովը տվել է առաջարկներ, դրանք տեղ չեն գտել Ընտրական օրենսգրում։ Կան առաջակներ, որոնք տասնամյակների ընթացքում տրվել են, սակայն այդպես էլ տեղ չեն գտել Ընտրական օրենսգրքում»,– ասաց Իոնիսյանը։