Գեներալ Մանվել Գրիգորյանը չի դիմացել ո՛չ աթոռի, ո՛չ էլ փողի փորձությանը: Այս մասին այսօր՝ հունիսի 25-ին ազատ արձակվելուց հետո լրագրողների հետ զրույցում ասաց պաշտպանության նախկին փոխնախարար Վահան Շիրխանյանը:
«Ամենածանր փորձությունն աթոռն է եւ փողը: Մանվելը չի դիմացել ո՛չ փողի, ո՛չ էլ աթոռի փորձությանը եւ ընկել է ամենաստոր վիճակի մեջ»,- ասաց Վահան Շիրխանյանը:
Անդրադառնալով իր ազատ արձակվելուն՝ Վահան Շիրխանյանը նշեց, որ սա կապված է միմիայն քաղաքական իրավիճակի փոփոխության հետ. «Շնորհավորում եմ բոլորիս չարիքից ազատվելու համար»:
Նշենք, որ Վահան Շիրխանյանն ավելի քան 2 տարի կալանքի տակ էր: Ըստ նրա պաշտպանի՝ Շիրխանյանը լուրջ առողջական խնդիրներ ունի:
«Պատվի խնդիր է». Մանվել Գրիգորյանի տեսաուղերձը՝ կալանավորումից առաջ