Հայաստանը դեմ է, որպեսզի Սեւծովյան տնտեսական համագործակցության կազմակերպությունը (ՍԾՏՀԿ) քաղաքականացվի եւ նախապայմաններ առաջադրի՝ ի շահ որեւէ պետության: Այս մասին հունիսի 26-ին Ազգային ժողովում լրագրողների հետ հանդիպման ժամանակ հայտարարեց ՀՀ Ազգային ժողովի փոխխոսնակ Էդուարդ Շարմազանովը:
Նրա խոսքով՝ այս կազմակերպությունը տնտեսական ուղվածություն ունի, եւ Հայաստանը կողմ է ՍԾՏՀԿ-ի անդամ երկրների հետ բացառապես տնտեսական համագործակցությանը. «Մենք այնտեղ բարձրաձայնել ենք Թուրքիայի կողմից Հայաստանի շրջափակման խնդրի մասին եւ չեղարկել են դրա անթույլատրելիությունը: Եղել են նաեւ առանձին հանդիպումներ Ռուսաստանի, Մոլդովայի եւ Հունաստանի պատվիրակությունների հետ: Քննարկումները շատ արդյունավետ էին»:
ՀՀ ԱԺ փոխխոսնակը նաեւ հիշեցրել է, որ ՍԾՏՀ ԽՎ հաջորդ նիստը տեղի կունենա Երեւանում:
