News
Լրահոս
News
Շաբաթ
Հոկտեմբեր 01
USD
405.65
EUR
396.08
RUB
7.57
Տեսնել լրահոսը

Հայաստանում Եվրամիության դեսպան Պյոտր Սվիտալսկին խոստանում է ավելի քիչ խոսել կոռուպցիայի մասին, քանի որ երկրում տեսնում է կոռուպցիայի նկատմամբ անհանդուրժողականության հանրային դրսեւորումներ, ինչը, ըստ նրա, լուրջ փաստարկ է, որպեսզի այսուհետ դադարի բարձրաձայնել այս խնդիրը եւ ջանքերը կենտրոնացնի այլ կարեւոր ուղղություններով: Այդ մասին դեսպանը հայտարարել է  «Ազատության» տված հարցազրույցում:

Անդրադառնալով վերջին օրերին տեղի ունեցած աղմկահարույց ձերբակալություններին, Սվիտալսկին նշել է. «Կարծում եմ՝ չափազանց կարեւոր է, որ Հայաստանի նոր կառավարությունը կոռուպցիայի դեմ պայքարը հռչակել է իր առաջնահերթություններից մեկը: Եվ այս մեսիջը, որ Հայաստանի իշխանությունները ամենայն լրջությամբ են մոտենում կոռուպցիայի դեմ պայքարին, հստակորեն հնչեց նաեւ Բրյուսելում՝ Հայաստան-Եվրամիություն գործընկերության խորհրդի առաջին նիստի ընթացքում, ինչպես նաեւ Հայաստանի արտգործնախարարի՝ Բրյուսելում ունեցած այլ հանդիպումների ընթացքում: Եվ մենք տեսնում ենք առարկայական ապացույցներ, որ նոր կառավարությունը վճռական է տրամադրված կոռուպցիան արմատախիլ անելու հարցում՝ դրա բոլոր դրսեւորումներով, եւ որ պակաս կարեւոր չէ՝ նոր կառավարությունը ցանկանում է դա իրականացնել օրենքի տառին համապատասխան՝ գործող օրենսդրության շրջանակներում եւ լիակատար թափանցիկության պայմաններում»:

Սվիտալսկին կարծիք հայտնեց, որ ԵՄ-ի համար սա ոգեւորիչ է. «Մենք պատրաստ ենք, եթե դրա կարիքը կա, առաջարկել հնարավոր առավելագույնը՝ մեր փորձի, գիտելիքների եւ տեխնիկական փորձագիտական կարողությունների առումով: Սա մի բան է, որ հստակորեն հայտարարվել է Բրյուսելում՝ այդ հանդիպումներում:

Պատահական չէ, որ այսօր Հայաստանում բոլորը խոսում են կոռուպցիայի մասին:

Մենք տեսնում ենք կոռուպցիայի նկատմամբ անհանդուրժողականության հանրային դրսեւորումներ: Սա շատ կարեւոր զարգացում է, եւ դա նաեւ լուրջ փաստարկ է, որպեսզի ես այսուհետեւ դադարեմ բարձրաձայնել այս խնդիրը եւ իմ ջանքերը կենտրոնացնեմ այլ կարեւոր ուղղություններով: Այնպես որ, այս պահից սկսած խոստանում եմ ավելի քիչ խոսել կոռուպցիայի մասին․ ես այդ մասին խոսում էի դեռ այն ժամանակ, երբ այդ մասին քչերն էին խոսում եւ երբ որոշ շրջանակներում դա դժկամությամբ էին ընդունում: Եվ ես անչափ ուրախ եմ, որ այսօր հայաստանցիները քաջություն ունեն այդ մասին խոսելու եւ ցույց տալու, որ իրենք դեմ եմ կոռուպցիայի ցանկացած դրսեւորման: Կեցցե՛ք, հայե՛ր»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Էներգետիկայի աջակցության 200 միլիարդ եվրոյի գերմանական ծրագիրը ԵՄ-ում թշնամական արձագանք է առաջացրել․ Financial Times
Մի քանի դիվանագետներ հայտարարել են, որ Բեռլինի կողմից իր հարկաբյուջետային կարողության օգտագործումը․․․
Ավստրիան չի կարող աջակցել գազի գնի սահմանափակման ԵՄ որեւէ ծրագրի
Ես գիտեմ, որ ԵՄ տարբեր անդամներ տարբեր տեսակետներ ունեն այս թեմայի վերաբերյալ․․․
ԵՄ երկրները մոտ են Ռուսաստանի դեմ պատժամիջոցների ութերորդ փուլի շուրջ համաձայնությանը. Reuters
Աղբյուրները նշում են, որ սեւ ցուցակում առաջարկվել է ներառել ադամանդի արդյունահանման ռուսական պետական ​​«Ալռոսա» ընկերությանը, ինչպես նաեւ Ռուս ուղղափառ եկեղեցու առաջնորդ պատրիարք Կիրիլին...
Եվրամիությունը հայտարարել է, որ չի ճանաչում ՌԴ-ին նոր տարածքների միացման վերաբերյալ հանրաքվեի արդյունքները
«Մենք չենք ճանաչում եւ երբեք չենք ճանաչի ապօրինի «հանրաքվեները», որոնք Ռուսաստանը որպես Ուկրաինայի անկախությունը, ինքնիշխանությունն ու տարածքային ամբողջականությունը ոտնահարել շարունակելու պատրվակ է կազմակերպել...
Ռեցեսիան Եվրոպայում. որքանո՞վ է ամեն ինչ վատ. Politico
«Ռեցեսիայի ապացույցներն ավելանում են...
Գերմանիայում եվրոյի ներդրումից հետո առաջին անգամ ինֆլյացիան երկնիշ է. Bloomberg
Սպառողական գները սեպտեմբերին տարեկան կտրվածքով աճել են 10,9 տոկոսով՝ օգոստոսի 8,8 տոկոսի դիմաց․․․
Ամենաշատ