Հաջորդ շաբաթ ԱՄՆ պետքարտուղար Մայք Պոմպեոն պաշտոնական այցով կմեկնի ԿԺԴՀ-ը՝ Կորեական թերակղզու ապամիջուկայնացման վերաբերյալ հյուսիսկորեական իշխանությունների պլանների քննարկման նպատակով: Այս մասին հաղորդում է The Financial Times-ը՝ վկայակոչելով չորս աղբյուրները:
Հաղորդվում է, որ Պոմպեոյի այցը ԿԺԴՀ ԱՄՆ-ի բարձրաստիճան պաշտոնյայի առաջին այցը կդառնա՝ ԱՄՆ նախագահ Դոնալդ Թրամփի եւ Հյուսիսային Կորեայի առաջնորդ Կիմ Չեն Ընի մասնակցությամբ հունիսի 12-ի կայացած գագաթնաժողովից հետո: Թերթում հավելել են որ նրանց հանդիպումը լայն քննադատության է ենթարկվել՝ երկրների առաջնորդների կողմից ձեռք բերված կոնկրետ պայմանավորվածությունների սակավության պատճառով:
Պարբերականում նաեւ նշել են, որ Պոմպեոն չեղյալ է հայտարարել իր հնդիկ գործընկերոջ հետ հուլիսի 6-ին նախատեսված հանդիպումը՝ Փհենյան այցելելու համար: ԿԺԴՀ-ում պետքարտուղարը բանակցություններ կվարի Հյուսիսային Կորեայի բարձրաստիճան պաշտոնյայի հետ, որի անունը դեռ չի նշվում:
