ՀՀ նախագահ Արմեն Սարգսյանը, մշակույթի նախարար Լիլիթ Մակունցը, Հայաստանում ԱՄՆ-ի դեսպան Ռիչարդ Միլսը, ԱՄՆ-ում Հայաստանի դեսպան Գրիգոր Հովհաննիսյանն ու բազմաթիվ հյուրեր հունիսի 28-ին ներկա են եղել ժողովրդական եւ ազգային տոների, սովորույթների եւ կենցաղի դրվագները ներկայացնող ամենամյա «Սմիթսոնյան ֆոլքլայֆ» Սմիթսոնյան հեղինակավոր փառատոնի պաշտոնական բացման արարողությանը, հաղորդում է «Ամերիկայի ձայնը»:
Փառատոնը այս տարի ներկայացնում է հայկական եւ կատալոնական մշակութային ժառանգությունը՝ արվեստներն ու արհեստները:
Ամենամյա փառոտոնի պաշտոնական բացմանը ներկա էին Հայաստանի նախագահ Արմեն Սարգսյանը եւ նրա տիկինը, Հայաստանի մշակույթի նախարար Լիլիթ Մակունցը, ԱՄՆ-ում Հայաստանի դեսպանը Գրիգոր Հովհաննիսյանը, Հայաստանում ԱՄՆ-ի դեսպան Ռիչարդ Միլսը,Հայաստանը եւ Սփյուռքը ներակայցնող բարձրաստիճան այրեր, հյուրերեր եւ հոգեւորականներ:
Բացման հանդիսավոր արարողությանը ներկա էր նար նաեւ սիրված երաժիշտ Արտո Թունջբոյաջյանը:
Ելույթներով հանդես եկան Սմիթոսնյան հաստատության ներկայացուցիչները, այդ թվում՝ «Սմիթսոնյան ֆոլքլայֆ փառատոնի» Սաբրինա Լին Մոթլին, ինչպես նաեւ՝ Հայաստանում ԱՄՆ-ի դեսպան Ռիչարդ Միլսը իր ջերմ ելույթում շնորհակալություն հայտնեց փառատոնի կազմակերպիչներին, ԱՄՆ-ի դեսպանության եւ պետքարտուղարության իր գործընկերներին: Միլսը նաեւ առանձնահատուկ ողջույնի խոսք ուղղեց Հայաստանի նորանշանակ մշակույթի նախարարին.
«Ես դեսպանատան անունից ցանկանում եմ շնորհակալություն հայտնել Սմիթսոնյանի մեր գործընկերներին իրենց նվիրվածության, աջակցության եւ արված աշխատանքի համար: Պարոն նախագահ, հարգելի գործընկերներ, տիկին նախարար, պատիվ ունեմ այստեղ գտնվել եւ հատկապես տեսնել, որ այն երկիրը որտեղ որպես դեսպան իմ ծառայությունն եմ մատուցում եւ որը հասցրել եմ սիրել, ներկայացված է Վաշինգտոնում եւ տոնում է իր մշակույթը: Ես նաեւ ցանկանում եմ ողջունել Հայաստանի Մշակույթի նախարարի տիկին Մակունցին, ով ներկայացնում է Հայաստանի նոր կառավարությունը: Ինչպես շատերը գիտեն: Հայաստանը թեւակոխել է պատմության նոր փուլ. այն ունի նոր կառավարություն: Եվ այս նոր կառավարության որդերգած արժեքները ժողովրդի արժեքներն են՝ դրանք են ներառվածությունը, բազամազանությունն ու հարգանքը կյանքի տարբեր դրսեւորումների հանդեպ: Տիկին նախարար, Ձեր այստեղ գտնվելը շատ տեղին է, քանի որ դուք ներկայացնում եք հենց այս արժեքները՝ ժողովրդական արժեքները, որոնք նաեւ Սմիթսոնյան հաստատության արժեքներն: Շնորհակալ եմ»:
«Սմիթսոնյան ֆոլքլայֆ փառատոնի» բացման պաշտոնական արարողության ավարտից հետո բարձաստիճան հյուրերն ու պաշտոնյաները շրջայց կատարեցին Վաշինգտոնի ազգային պուրակում՝ այցելելով հայկական ժողովրդական արվեստներն ու արհեստները ներկայացնող տաղավարներ:
Փառատոնի վերաբերյալ իր ընդհանուր տպավորություններով Ամերիկայի ձայնի հետ կիսվեց Հայաստանի մշակույթի նախարար Լիլիթ Մակունցը, ով նաեւ անդրադաձավ մշակութային փոխառության կարեւորությանն ու իր այցի առաքելությանը:
Ժամանակակից կենցաղի եւ ապրող/գործող ժողովրդական մշակութային ավանդույթների՝ արվեստների եւ արհեստների պահպանմանը նվիրված «Սմիթսոնյան ֆոլքլաֆ փառատոնին» հայկական մշակութային ժառանգությունը ներկայացնում են Սփյուռքից եւ Հայաստանից ժամանած մեծ թվով հայրենակիցներ:
Փառատոնի օրերին այցելուները, ցանկության դեպքում, կարող են սովորել ինչպես թոնիրում լավաշ թխել, խորոված, պանիր եւ գաթա պատրաստել ու նաեւ տարատեսակ վարպետության դասընթացների:
Հիշեցնենք, որ 1967 թվականին հիմնադրված հեղինակավոր փառատոնին մինչ այժմ մասնակցել են ավելի քան 100 երկրներ:
Տասնօրյա փառատոնի պաշտոնական փակումը տեղի կունենա հուլիսի 8-ին: