News
Լրահոս
News
Երեքշաբթի
Հունիս 25
USD
477.81
EUR
544.32
RUB
7.6
ME-USD
0.16
Տեսնել լրահոսը

Գերմանիայի կանցլեր Անգելա Մերկելը Եվրոպայի առաջնորդներին հորդորել է միասին աշխատել անկանոն միգրացիայի խնդրի շուրջ։ Այս մասին գրում է BBC-ն: 

Նա կոչ է արել այդ մասին ԵՄ-ի գագաթնաժողովից առաջ, որի ընթացքում քննարկվել է մեծաթիվ չգրանցված միգրանտների, հատկապես՝ աֆրիկացիների հարցը, որոնք անընդհատ կյանքի գնով փորձում են հատել Միջերկրական ծովը: Մերկելը մեկ շաբաթ ժամանակ ունի, որպեսզի նոր ներգաղթի դեմ որոշում առաջարկի. հակառակ դեպքում երկրի ներքին գործերի նախարար Հորստ Սիհոֆերը սպառնում է իր հայրենի Բավարիայի նահանգից հետ ուղարկել միգրանտներին:

Նշվում է, որ ներկայում անօրինական միգրանտների հոսքն անհամեմատ քիչ է. Եվրոպական խորհուրդը հայտնում է, որ ԵՄ տարածք անօրինական մուտք գործող միգրանտների թիվը 96%-ով պակասել է 2015 թվականի հոկտեմբերից հետո: 

Սակայն այս ամիս խնդիրը կրկին հայտնվել է ԵՄ-ի ուշադրության կենտրոնում այն բանից հետո, երբ Իտալիան արգելափակել է միգրանտներով լի փրկարար նավերի մուտքը: Դուբլինյան սկզբունքն առ այն, որ ապաստան փնտրողները պետք է մնան այն երկրում, որտեղից մուտք են գործել ԵՄ տարածք, այլեւս չի գործում: Իտալիան եւ Հունաստանը, որոնք միգրանտների ամենամեծ դոնորներն են, հարեւան երկրներից պահանջում են կիսել այդ բեռը:

BBC Europe-ի խմբագիր Կատյա Ադլերի կարծիքով՝ ԵՄ-ում հակասություններն ավելի խորն են: Այժմ ոչ միայն եվրասկեպտիկները, այլեւ ԵՄ-ի ջատագովներն են ահազանգում խնդրի մասին: Միգրացիան տարածվում է առավելապես հարավային Եվրոպայում: Իտալիան եւ Հունաստանը բողոքում են, որ միգրանտների հոսքի դեմ իրենց միայնակ են թողել, մինչդեռ հյուսիսային երկրները մեղադրում են վերջիններին՝ իրենց սահմաններն ավելի լավ չվերահսկելու եւ միգրանտներին ավելի հարուստ Գերմանիա, Շվեդիա եւ Ավստրիա թողնելու մեջ:

Իտալիայի նոր կառավարությունը գլխավոր առաջնահերթություն է դարձրել համաեվրոպական միգրացիոն համաձայնագրի կնքումը: Դրա շնորհիվ Ազգայնականների լիգայի առաջնորդ Մատեո Սալվինին կարողացավ իշխանության գալ: Սակայն դա մեծ ընտրական խնդիր է ԵՄ-ի ամբողջ տարածքում: Հաջորդ ամիս ԵՄ-ի նախագահությունը ստանձնում է Ավստրիան, որի աջակողմյան կառավարությունը շատ խիստ դիրքորոշում ունի անօրինական միգրացիայի հարցում: Ավստրիայի հետ այս հարցում համակարծիք են Չեխիան, Սլովակիան, Հունգարիան եւ Լեհաստանը: Այս խումբը մերժել է ԵՄ-ի ծրագիրը, որով Հունաստանի եւ Իտալիայի ճամբարներից շուրջ 160.000 փախստականներ պետք է տեղափոխվեն: Այժմ մեծ է ուշադրություն Մերկելի ուղղությամբ, ում ներքին գործերի նախարարը սպառնում է սահմանին արգելափակել Գերմանիա մուտքն այն միգրանտների համար, որոնք ԵՄ այլ երկրի գրանցում ունեն: Առանց նրա օգնության Մերկելը կկորցնի խորհրդարանական մեծամասնությունը:

Մերկելն առաջարկում է, որ ԵՄ-ն բանակցություններ վարի այն երկրների հետ, որոնցից փախստականների է ընդունում: «Մենք չենք կարող դա անել առանց նրանց հետ համաձայնեցնելու: ԵՄ-Թուրքիա համաձայնությունը երկկողմանի էր: Ուստի անհրաժեշտ է խոսել այդ երկրների կարիքների մասին»,- ասել է նա՝ հավելելով, որ մեծ թվով փախստականների ընդունող երկրներին պետք է օգնել, սակայն միգրանտները չեն կարող ընտրել՝ որ երկրից ապաստան խնդրել:

Իտալիայի վարչապետն էլ ասել է, որ իր երկիրը կոնկրետ գործողություններ է ակնկալում: ԵԽ նախագահ Դոնալդ Տուսկը ԵՄ երկրներին հորդորել է կենտրոնանալ ԵՄ-ի արտաքին սահմանի ուղղությամբ, հակառակ դեպքում «շարունակաբար քաոսի պես կփակվեն սահմանները» եւ հակամարտություններ կսկսվեն անդամ պետությունների միջեւ: Հոլանդիայի վարչապետ Մարկ Ռութն էլ նշել է, որ ԵՄ-ն պետք է աշխատի նաեւ երկրորդային միգրացիայի՝ արդեն ԵՄ տարածք մտած միգրանտների հաջորդ քայլերի մշակման ուղղությամբ:

Քննարկումներ կլինեն «տարածաշրջանային բեռնաթափման պլատֆորմների» մասին Ավստրիայի եւ Դանիայի առաջարկի շուրջ, որով պետք է վերացվեն մարդկանց մաքսանենգությամբ զբաղվող խմբերը: Այդպիսով, ծովերը կբեռնաթափվեն միգրանտներով լի բազմաթիվ նավերից, եւ մաքսանենգությամբ զբաղվող խմբերն այլեւս չեն կարողանա օգտվել միգրանտների ճարահատյալ վիճակից: Սակայն դժվար կլինի աֆրիկյան երկրներում նման կենտրոններ բացել: Մյուս կողմից էլ՝ ՄԱԿ-ի գործակալությունների հետ սերտ համագործակցություն է անհրաժեշտ, որպեսզի դրանք չվերածվեն մարդաշատ ու վտանգավոր ճամբարների:

Տպել
Կարդացեք նաև
Ամբողջը
Թուրքիայի դեմ ԵՄ պատժամիջոցները ժամանակ են պահանջում. Կիպրոսի նախագահ
Նա նշել է, որ իրեն «տխրեցնում է» այն, որ անցած շաբաթ Եվրոպական խորհուրդը չի կարողացել անհապաղ հայտնել Անկարայի դեմ պատժամիջոցների սահմանման մասին ...
Եվրամիության երկրները կրճատել են ապաստանի տրամադրման թիվը
Խնդրողներին ապաստանի տրամադրումը ԵՄ-ում կրճատվել է...
Արդարադատության նախարարն ընդունել է Եվրոպայի խորհրդի երևանյան գրասենյակի ղեկավարին
ԵԽ երևանյան գրասենյակի ղեկավար Նատալյա Վուտովան շնորհավորել է նախարար...
ԵՄ-ը սպառնացել է Թուրքիային պատժամիջոցներով Կիպրոսի ջրերում անօրինական հորատման համար
Եվրահանձնաժողովի նախագահ Ժան Կլոդ Յունկերն անվանել է Թուրքիայի գործողություններն «ամբողջովին անընդունելի»…
Սվիտալսկին Տիգրան Ավինյանին ներկայացրել է իրենց աշխատանքը ՀՀ-ում բարեփոխումների գործընթացներին աջակցելու ուղղությամբ
Տիգրան Ավինյանն ընդունել է ՀՀ-ում ԵՄ պատվիրակության ղեկավարին...
Բրեքսիթի վերանայումն անհնար է՝ անկախ այն հանգամանքից, թե ով կդառնա Բրիտանիայի վարչապետ. ԵՄ
Նշանակություն չունի, թե ով կդառնա Բրիտանիայի հաջորդ վարչապետը…