Հյուսիսային Կորեայում ակտիվացել է հրթիռային վառելիքի արտադրությունը մի քանի գաղտնի օբյեկտներում, ինչը կարող է վկայել ապամիջուկայնացման վերաբերյալ հետագա բանակցություններում ԱՄՆ-ին մոլորության մեջ գցելու փորձերի մասին, հայտնում է NBC հեռուստաալիքը՝ վկայակոչելով ամերիկյան հետախուզության աշխատակիցներին։
Հեռուստաալիքի աշխատակիցները, որոնց հասանելի են գաղտնի տվյաները, հայտնել են, որ ըստ առկա տեղեկատվության, Հյուսիսային Կորեայում կարող էին գաղտնի արագացնել թե վառելիքի, թե միջուկային զենքի մի շարք բաղադրիչների արտադրությունը։ Բացի դրանից, նրանց կարծիքով, հետագայում Փհենյանը մտադիր է փորձել ԱՄՆ-ից թաքցնել այն օբյեկտների գոյության փաստը, որտեղ կազմակերպվում է այդ արտադրությունը։
«Չկան որեւէ տվյալներ, որոնք կվկայեին զինանոցի նվազման կամ արտադրության դադարեցման մասին»,- հավելել է NBC-ի աշխատակիցներից մեկը։
«Կան ակնհայտ վկայություններ, որ նրանք փորձում են խաբել ԱՄՆ-ին»,- համարում է նա։
