Հայկական կողմը չի շնորհավորի Էրդողանին։ Այս մասին հուլիսի 2-ին կայացած ճեպազրույցում հայտարարել է ՀՀ արտաքին գործերի նախարարության մամուլի խոսնակ Տիգրան Բալայանը՝ պատասխանելով Թուրքիայի հետ հարաբերություններում ինչ–որ տեղաշարժերի հնարավորության մասին հարցին, նշելով, որ ներկա քաղաքական իրավիճակում հազիվ թե կարելի է հարաբերություններում որեւէ զարգացում ակնկալել։
Ինչ վերաբերում է այն հարցին, թե կշնորհավորի արդյոք հայկական կողմը Թուրքիային վերջերս կայացած ընտրությունների արդյունքների կապակցությամբ, Բալայանը հիշեցրել է, որ Հայաստանն ու Թուրքիան մինչեւ 2014 թվականը՝ Ռեջեփ Թայիփ Էրդողանի նախագահության մեկնարկը, փոխանակվում էին ֆորմալ շնորհավորանքներով. «Էրդողանի կողմից նախագահի պաշտոնը ստանձնելուց հետո այդ պրակտիկան դադարեց»,–նկատել է Բալայանը։
