Կոռնելի համալսարանի պրոֆեսոր, աստղագետ Երվանդ Թերզյանը բացառիկ ծառայության համար արժանացել է NASA-ի մեդալին: Սա NASA-ի կողմից շնորհված ամենաբարձր մրցանակն է: Պարգեւատրման արարողությունը տեղի կունենա օգոստոսի 2-ին եւ կցուցադրվի NASA TV-ի ուղիղ եթերով:
NASA-ի հայտարարության մեջ նշվում է, որ Երվանդ Թերզյանը իր կյանքը նվիրել է կրթությանը, հանրային ծառայությանը եւ գիտահետազոտական աշխատանքներին:
Թերզյանը հայտնի է աստղերի էվոլյուցիայի եւ հեռավոր գալակտիկաների միջեւ գազային ջրածնի հայտնաբերման բնագավառում իր հետազոտությամբ, որը ցույց է տալիս անտեսանելի նյութի գոյությունը միջգալակտիկ տարածությունում: Նա 235 գիտական աշխատանքների հեղինակ է, 7 գրքերի խմբագիր:
