«ԱյԴի Բանկը» որոշել է զիջել իր ֆիզիկական անձ հաճախորդների՝ 2018 թվականի մայիսի 31-ի դրությամբ անհուսալի վարկերի գծով հաշվեգրված տույժերը` ամբողջ ծավալով: Այս մասին տեղեկացնում է «ԱյԴի Բանկը» լրատվական ծառայությունը:
«Ողջունելով հարկային օրենսգրքի վերջին փոփոխությունները, կարեւորելով անհատական մոտեցումը եւ փորձելով ստեղծել ամբողջովին նոր գործընկերային միջավայր՝ «ԱյԴի Բանկը» որոշում է կայացրել, Բանկի հետ հաշտություն կնքելու դեպքում, զիջել իր ֆիզիկական անձ հաճախորդների՝ 2018 թվականի մայիսի 31-ի դրությամբ անհուսալի վարկերի գծով հաշվեգրված տույժերը` ամբողջ ծավալով։
Բանկի կողմից հաճախորդին կառաջարկվի վճարման նոր ժամանակացույց։
Սույն գործընթացը կիրականացվի մինչեւ 2018թ. դեկտեմբերի 31-ը` բոլոր վարկատեսակների գծով։
Բանկն արդեն երկար ժամանակ է՝ որդեգրել է վճարունակության հետ խնդիրներ ունեցող պարտապանների պարտավորությունների՝ հնարավորության եւ ողջամտության չափով զիջման քաղաքականություն, իսկ հաշվի առնելով Բանկի զարգացման նոր ուղին՝ մենք բաց ենք եւ պատրաստակամ ցանկացած իրավիճակում աջակցել մեր հաճախորդներին:
Հաճախորդները կարող են մոտենալ Բանկի ցանկացած մասնաճյուղ կամ զանգահարել տեղեկատվական կենտրոն՝ 010 59 33 33 հեռախոսահամարով եւ ստանալ մանրամասն խորհրդատվություն այս գործընթացի մասին»,- նշում են Բանկում: