Հայաստանը պետք է համապատասխանի «Հազարամյակի մարտահրավերներ» կորպորացիայի չափանիշներին եւ ստանդարտներին կոռուպցիայի դեմ, քաղաքական ազատությունների եւ ԶԼՄ-ների ազատության համար պայքարում: Այս մասին հուլիսի 4-ին լրագրողների հետ զրույցում ասել է Հայաստանում ԱՄՆ դեսպան Ռիչարդ Միլսը:
Հարցին՝ արդյոք Հայաստանը կարող է օգնություն ակնկալել, դեսպանը նշել է, որ «Հազարամյակի մարտահրավերներ» ծրագրի մասին նորություններ չունի:
«Նոր կառավարության հետ աշխատելով՝ մենք կխրախուսենք փոփոխությունները, որոնք կօգնեն Հայաստանին համապատասխանել չափանիշներին, որպեսզի հաջորդ տարի, երբ «Հազարամյակի մարտահրավերներ» կորպորացիան որոշումներ կայացնի, Հայաստանը հավանության արժանացածների ցանկում լինի », - հավաստիացրել է նա:
Միեւնույն ժամանակ դեսպանը շեշտել է, որ հայ ժողովուրդը ցանկանում է տեսնել այդ փոփոխությունները, քանի որ դա լավ է Հայաստանի համար, եւ ոչ միայն «Հազարամյակի մարտահրավերներ» կորպորացիայի հավանության համար: