NEWS.am-ի «Հաջողության ճանապարհը» խորագրի նոր հերոսը հոլիվուդյան դերասան Ռոման Միտիչյանն է:
Դերասանն արդեն ավելի քան տասը տարի նկարահանվում է Հոլիվուդում, համագործակցել է կինոաշխարհի այնպիսի աստղերի հետ, ինչպիսիք են Սիլվեսթեր Ստալոնեն, Կիանու Ռիվզը, Բեն Աֆլեքը, Քրիստիան Բեյլը, Վին Դիզելը եւ այլք: Սակայն իր բոլոր դերերից Ռոմանն առանձնացնում է Թերի Ջորջի՝ Հայոց ցեղասպանության մասին պատմող «Խոստումը» ֆիլմում մարմնավորած ֆիդայու կերպարը:
NEWS.am-ի հետ զրույցում դերասանը պատմել է, թե ինչպես է իրականացրել Հոլիվուդում հայտնվելու իր նպատակը, ինչպես է հաղթահարել դժվարություններն ու ինչով է զբաղվել իր երազանքի ճանապարհին: Ռոմանը կիսվել է նաեւ իր առաջիկա պլաններով, նպատակներով եւ թե ինչու է ցանկանում Հոլիվուդ-Հայաստան համագործակցության կամուրջ ստեղծել:
