Audi-ն Կոպենհագենում հատուկ միջոցառման ժամանակ ներկայացրել է էլեկտրական e-tron քրոսովերի ինտերիերը: Նորույթի առանձնահատկություններից են հինգ դիսփլեյները, 16 դինամիկներով Bang & Olufsen ձայնային համակարգը, 705 վտ հզորությամբ ուժեղացուցիչը, ինչպես նաեւ «վիրտուալ» հայելիները, հաղորդում են Motor- ը:
Ամենագնացի ճակատային վահանակի կառուցվածքը կատարվել է բրենդի վերջին մոդելների` A6, A7, A8 եւ առաջատար Q8 մոդելների ոճով:
Դռներին՝ ապակիներից մի քիչ ներքեւ, օրգանական լուսադիոդներով երկու 7 դյույմանոց դիսփլեյներ են: Դրանցով հեռարձակվում է տեսախցիկների պատկերը, որոնք կողմնային հայելիների դեր են կատարում: Տեղեկատվության ներկայացման 3 ռեժիմ է նախատեսվում ՝ խճուղի, շրջադարձ եւ կայանտեղի:
