News
Լրահոս
News
Ուրբաթ
Մարտ 29
Տեսնել լրահոսը

Բրիտանիան Ռուսաստանին կոչ է արել հայտնել կրկնակի գործակալ Սկրիպալի եւ նրա դստեր դեմ նյարդակաթվածահարող նյութ «Նովիչոկի» օգտագործմամբ մահափորձի մանրամասները: Նման կոչով է հանդես եկել Մեծ Բրիտանիայի անվտանգության եւ տնտեսական հանցագործությունների համար պատասխանատու առաջին փոխնախարար Բեն Ուոլեսը, փոխանցում է BBC-ն: 

Ինչպես ավելի վաղ հաղորդվել էր, Բրիտանիայում հայտնաբերվել է «Նովիչոկով» թունավորման եւս մեկ դեպք: Սոլսբերիից ոչ հեռու գտնվող Էյմսբերի քաղաքում ծայրահեղ վիճակում հոսպիտալացված զույգը նույնպես թունավորվել է «Նովիչոկ» խմբի նյութով, նախօրեին հաղորդել էր բրիտանական ոստիկանությունը: 45-ամյա Չարլի Ռոուլին եւ 44-ամյա Դոն Սթերջեսն իրենց տանից հոսպիտալացվել են  շաբաթ՝ հունիսի 30-ին: Նախապես բժիշկները ենթադրել են, որ տուժածները հերոինի կամ կոկաինի չափաբաժին են ընդունել:

«Ռուսական պետությունը կարող է այս իրավիճակն «ուղղել», եթե մեզ պատմի, թե կոնկրետ ինչ է տեղի ունեցել, իրենք ինչ են արել եւ դրանով կարեւոր բացերը կլրացնեն, որոնք մենք փորձում ենք քննել»,- ասել է Ուոլեսը BBC-ի հետ զրույցում:

Տուժածներից վերցրած նմուշները հետազոտել են պետական քիմիական լաբորատորիայում եւ եզրակացրել, որ նրանք ենթարկվել են նույն խմբի նյութի ազդեցությանը, ինչ այն, որով թունավորվել էին Սկրիպալները:

Անգլիայի գլխավոր բժիշկ Սալի Դեւիսը հայտարարել է, որ այս տարվա մարտին Սկրիպալների թունավորումից հետո անգլիացի բժիշկները տեխնիկա են մշակել, թե ինչպես հաղթահարեն վարակման համանման դեպքերը:

Մեծ Բրիտանիայի ՆԳ նախարար Սաջիդ Ջավիդը բժիշկներին շնորհակալություն է հայտնել եւ հավելել, որ իր մտքերը հիմա տուժածների հետ են: Նրա խոսքով՝ միջադեպը դարձել է Սկրիպալների վրա «խելահեղ եւ բարբարոսական հարձակման» շարունակությունը:

Էյմսբերի քաղաքը Սոլսբերիից 11 կմ հյուսիս է գտնվում, որտեղ մարտի 4-ին ծանր թունավորվել էին ռուսական նախկին կրկնակի գործակալ Սերգեյ Սկրիպալը եւ նրա դուստր Յուլյան:

Ուոլեսը Sky News-ին ասել է, որ ոստիկանությունը «Նովիչոկով» երկրորդ թունավորումը նպատակաուղղված հարձակում չի համարում, զույգը Սկրիպալների հետ կապ չուներ: Նրա խոսքով՝ Էյմսբերիից զույգը կարող էր թունավորվել Սոլսբերիում Սկրիպալների վրա հարձակումից հետո մնացած նյութից:

Ոստիկանությունը հաղորդել է, որ Էյմսբերիում զույգը թունավորվել է «Նովիչոկով»

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թերեզա Մեյը մեկնել է Սոլսբերի
Մեծ Բրիտանիայի վարչապետ Թերեզա Մեյը մեկնել է Սոլսբերի՝ ԳՀՎ ռուս նախկին գործակալ Սերգեյ Սկրիպալի եւ նրա դստեր՝ Յուլյայի թունավորման տարելիցի առիթով...
ՌԴ դեսպանությունը Լոնդոնին Սկրիպալների ճակատագրի մասին 70 նոտա եւ նամակ է ուղարկել
Լոնդոնի այս վարքագիծը հակասում է «պետությունների միջեւ քաղաքակիրթ հարաբերությունների բոլոր կանոններին»․․․
ՌԴ արտաքին հետախուզության ղեկավարը ռուս-բրիտանական հարաբերությունների վերականգնման հույս ունի
Ցանկացած պատերազմ միշտ խաղաղությամբ է ավարտվում…
Լոնդոնը գործընկերների հետ կքննարկի Ռուսաստանի դեմ նոր պատժամիջոցների հարցը. Մեծ Բրիտանիայի ԱԳՆ
Ռուսաստանի կառավարությունը պետք է իմանա, որ եթե այս կերպ արհամարհի միջազգային իրավունքի նորմերը, ապա հետեւանքներ կլինեն…
Պուտինը՝ Սկրիպալի գործի մասին․ Եկել են ինչ-որ մարդիկ, սկսել են թունավորել ինչ-որ անօթեւանների
Նա կրկին հերքել է այդ դեպքին Ռուսաստանի առնչությունը․․․
Պետրովի ու Բոշիրովի իրական անունները բացահայտած լրագրողը ստիպված է լքել Ռուսաստանը
Ներկայումս Կանեւը գտնվում է Մերձբալթիկայի երկրներից մեկում…
Ամենաշատ