News
Լրահոս
News
Շաբաթ
Հուլիս 02
USD
407.95
EUR
426.35
RUB
7.46
Տեսնել լրահոսը

Սաուդյան Արաբիայում աղմկոտ կոռուպցիոն սկանդալից հետո մի քանի ամիս անց երկրի իշխանությունները շարունակում են կալանավորված պահել մի արքայազնի, մի քանի տասնյակ բիզնեսմենների եւ նախկին պաշտոնյաների: Դրանից զատ, վերջերս նոր կալանավորումներ են կատարվել, հայտնում է WSJ-ն: 

Պարբերականի աղբյուրները հայտնում են, որ նրանց խոշտանգում են, ծեծում եւ քնից զրկում: Ըստ որում՝ նրանց մեղադրանքներ չեն ներկայացնում: Շատերին արգելել են կամ խիստ սահմանափակել ազգականների հետ տեսակցությունները:

Կալանավորվածներին պահում են Էր Ռիադի սահմաններից դուրս գտնվող անվտանգության առավելագույն աստիճանով բանտում, մյուսները գտնվում են պալատներում, որոնք վերակազմավորվել են հսկողության տակ պահման վայրերի: Պաշտոնատար անձինք խոստովանել են, որ մի քանի կալանավորներ դաժան վերաբերմունքի են արժանանում:

Սաուդյան Արաբիայի կառավարության ներկայացուցիչները չեն պատասխանել մեկնաբանություններ տալու խնդրանքներին: Երկրի գլխավոր դատախազի տեղակալը հայտարարել է, որ որոշ կալանավորվածների կոռուպցիայի հետ չկապված մեղադրանքներ են առաջադրվել, եւ նրանց կդատեն ազգային անվտանգության ու ահաբեկչության գործերով մասնագիտացած դատարանները:

Աղբյուրների տեղեկություններով՝ իշխանությունները բարձրացրել են պետական դավաճանության կամ ահաբեկչության մեղադրանքների հարցը, որը կարող է պատժվել բանտարկությամբ կամ մահապատժով, դրանով ցանկանում են նրանց ստիպել խոստովանել:

Անցյալ նոյեմբերին կալանավորվել էին հարյուրավոր ականավոր սաուդցիներ, որոնց պահում էին Էր Ռիադի Ritz-Carlton հյուրանոցում: Նրանց թվում էին 11 արքայազններ, որոնց թվում էր արքայազն, հայկական արմատներով միլիարդատեր Ալ Վալիդ իբն Տալալը: Նրանց մեծ մասին ազատել են կառավարությանը խոշոր գումարներ փոխանցելուց հետո:

Կառավարության քննադատներն ասում են, որ նոր կալանավորումները եւ շարունակվող ձերբակալությունները գահաժառանգ արքայազն Մոհամմեդի փորձն է միավորելու ուժերը պոտենցիալ հակառակորդների դեմ:

Դեռեւս կալանավորվածների թվում է Սաուդյան Արաբիայի ամենահարուստ մարդկանցից մեկը, ինչպես նաեւ երբեւէ կառավարական բարձր դիրքեր զբաղեցրած անձինք:

Նրանց թվում է միլիարդատեր Մուհամմեդ ալ Ամուդին, շինարարական հսկա Saudi Binladin Group-ի նախագահ Բաքր բեն Լադենը, սաուդյան Արաբիայի ներդրումային գործակալության նախկին ղեկավար Ամր ալ Դաբաղը եւ էկոնոմիկայի նախկին նախարար ու արքայազնի ամենահուսալի օգնականներից մեկը՝ Ադել Ֆաքեին:

Ձերբակալվել է նաեւ արքայազն Թուրքի բին Աբդուլլահը՝ նախորդ միապետի՝ Աբդուլլահ թագավորի որդին:

Սաուդցի մի պաշտոնյա նոյեմբերին հայտարարել էր, որ արքայազնին մեղադրում են կոռուպցիայի մեջ՝ կապված Էր Ռիադում մետրոյի շինարարության նախագծի հետ: Սակայն աղբյուրը հայտնում է, որ արքայազնին մեղադրանք չի ներկայացվել, եւ դրա էությունը հստակ չէ: նա կարծում է, որ արաքայազնի կալանավորումը քաղաքական քայլ է՝ արքայազն Մոհամմեդի պոտենցիալ մրցակցին հեռացնելու համար:

Սաուդյան Արաբիայի ներդրումային գործակալության նախկին ղեկավար Ամր ալ Դաբաղը ենթարկվում է ֆիզիկական եւ հոգեբանական բռնության, ասում են հարցին ծանոթ մարդիկ: Նա հրաժարվում է ազատության դիմաց կառավարությանը փոխանցել իր ակտիվների 70 տոկոսը եւ ապագա բոլոր եկամուտների 50 տոկոսը, ասել է նրա մերձավորներից մեկը: «Ոչ մի մեղադանք, ոչ մի ապացույց չկա: Նա հրաժարվում է գործարքի գնալ, որովհետեւ դա նրան մեղավոր կդարձնի, իսկ նա մեղավոր չէ»,- ասել է նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սաուդյան Արաբիան հայտարարել է տասնյակ պետական նախարարությունների 207 աշխատակիցների ձերբակալման մասին
Ձերբակալվածների անունները չեն նշվում, եւ անհասկանալի է, թե երբ են կատարվել ձերբակալությունները․․․
Սաուդյան թագավորի ձերբակալված եղբայրը թագաժառանգ արքայազնին գահը հանձնելու դեմ է հանդես եկել
77-ամյա արքայազն Ահմեդը Երդմնակալության խորհրդի այն երեք անդամներից էր, որը բացահայտ իր առարկություններն է հայտնել այդ մասին թագավորին․․․
Սաուդյան արքայազն Ալվալիդ Բին Թալալը վերադարձել է բիզնես
Նա 266 մլն դոլարի ներդրում է արել Deezer երաժշտական ընկերությունում...
Էր Ռիադի իշխանություններր հայտնել են հակակոռուպցիոն գործով ավելի քան 100 մլրդ դոլար առգրավել
Ներկայացված տարբեր ակտիվների տեսքով՝ ներառյալ անշարժ գույք, կոմերցիոն կազմակերպություններ, արժեթղթեր, դրամական միջոցներ եւ այլ ակտիվներ…
Սաուդյան Արաբիայում ազատ են արձակել կոռուպցիայի գործով բոլոր ձերբակալվածներին
Վերջինն ազատվածների թվում է Saudi Bunladin group ընկերության ղեկավար Բաքր բին Լադենը եւ նրա ընտանիքի մյուս անդամները, որոնք ձերբակալվել էին նոյեմբերին կոռուպցիայի դեմ պայքարի զանգվածային արշավի շրջանակներում․․․
Սաուդյան Արաբիայի իշխանությունները ազատ են արձակել հայկական արմատներով սաուդցի արքայազն Ալ -Վալիդ իբն Տալալին
Նաեւ կալանավորվել էր նրա դուստրը՝ արքայադուստր Ռիմ բինտ ալ Վալիդ իբն Թալալը։ Նրա ճակատագրի մասին ոչինչ հայտնի չէ․․․
Ամենաշատ
Ֆոտոռեպորտաժներ