2016-ի հուլիսին պետհեղաշրջման փորձից հետո Թուրքիայում ներդրված արտակարգ ռեժիմի դրության գործողությունը այս ամիս ավարտվում է։ Այս մասին Anadolu գործակալությանը հայտնել է վարչապետ Բինալի Յլդըրըմը, փոխանցում է ՏԱՍՍ-ը։
Նրա խոսքով՝ հուլիսի 9-ին հայտարարվելու է նոր կառավարության կազմը, ու դրանով ԱԴ ռեժիմն ավարտվելու է։ Մեկնաբանելով երկրի քաղաքացիների քննադատությունները իշխանությունների ձեռնարկած միջոցառումների վերաբերյալ՝ վարչապետը հիշեցրել է, որ «օրինակ Ֆրանսիան ԱԴ ռեժիմի պայմաններում է ապրել 719 օր՝ ընդ որում ահաբեկչությունից, այլ ոչ թե պետհեղաշրջման փորձից հետո»։
«Վաղը գործող կառավարությունը իր վերջին հրաման է տալու, որտեղ թվարկելու է այն միջոցառումները, որոնք անհրաժեշտ են ԱԴ ռեժիմի դադարեցումից հետո ահաբեկչության դեմ մեր պայքարը չթուլացնելու համար»,- ասել է վարչապետը։
Արտակարգ դրությունը, որը երեք ամսով էր ներդրվել, սկսել է գործել Թուրքիայում 2016-ի հուլիսի 21-ին։ Այդ ժամանակվանից ռեժիմը մշտապես երկարաձգվել է 3-ական ամսով, ընթացիկ եռամսյա ժամկետն ավարտվում է հուլիսի 19-ին։