Garage Italia-ն եւ  Pininfarina դիզայն ստուդիան Fiat-ի տեխնիկական մասնագետների համագործակցությամբ ստեղծել են Fiat 500-ի հատուկ տարբերակը՝ Spiaggina-ն: Սովորական մեքենայից «լողափային» Fiat-ը տարբերվում է տանիքի բացակայությամբ, պաշտպանիչ կամարով, ցածր ճակատային ապակիով, փոքրիկ բեռնային տարածքով եւ ներկառուցված ցնցուղով, գրում է Motor-ը:

Fiat 500 Spiaggina by Garage Italia-ն ստեղծվել է 1960-ականների նմուշի նույնանուն մոդելի ոճով, իսկ մեքենան նվիրված է կրկնակի տոնին՝ առաջին հատուկ տարբերակի 60-ամյակին եւ մոդելի ծնունդյան օրվան: Մեքենայի թափքը ամառային գույներով է ներկվել՝ երկնագույնով՝ Volare Blue անվանումով եւ սպիտակով՝ Perla White:

Fiat 500 Spiaggina-ի բեռնախցիկը շքեղ զբոսանավերի նման է կառուցվել՝ փայտից: Ուղեւորի եւ վարորդի առանձին աթոռները փոխարինվել են ամբողջական բազմոցով: