Իսպանիայի ոստիկանությունն ու Ինտերպոլը հայտնել են կազմակերպված հանցավորության ցանցի լիկվիդացման մասին, որը Կովկասից մինչեւ Իսպանիա ու Ֆրասիա էր ձգվում, հայտնում է AP-ն։

Ըստ Ինտերպոլի հայտարարությունների՝ կալանավորվել է 129 մարդ, որոնց մեծ մասը հայեր են։ Նրանց կասկածում են հանցագործությունների՝ այդ թվում զենք պահելու ու զարդերի գողությունների մեջ։

Կալանավորումները իրականացվել են անցած շաբաթ Իսպանիայում ու Ֆրանսիայում։ Ձերբակալվածներից մի քանիսը միջազգային հանցախմբի բարձրաստիճան անդամներ էին։

Ֆրանսիայի ու Վրաստանի ոստիկանությունը նույնպես մասնակցել է գործողություններին։