Չինաստանի վարչապետ Լի Կեցիանը նախազգուշացրել է, որ առեւտրային պատերազմում հաղթողներ չեն լինելու: Նա այս մասին հայտարարել է՝ մեկնաբանելով ԱՄՆ-ի կողմից 34 միլիարդ դոլարի չինական ապրանքների ներմուծման համար մաքսատուրքերի սահմանումը, փոխանցում է Reuters-ը:
«Առեւտրային պատերազմը երբեք չի կարողացել լուծում լինել»,- Կենտրոնական եւ Արեւելյան Եվրոպայի 16 երկրների մասնակցությամբ գագաթնաժողովից առաջ Բուլղարիայի վարչապետ Բոյկո Բորիսովի հետ Սոֆիայում կայացած ճեպազրույցին ասել է Լի Կեցինը: Նա նշել է, որ Չինաստանն առեւտրային պատերազմ չի սկսել, սակայն եթե որեւէ երկիր բարձրացնում է մաքսատուրքերը, ապա Պեկինը պատասխան քայլեր կձեռնարկի՝ ելնելով իր շահերից:
