Թուրքիայի նախագահ Ռեջեփ Թայիփ Էրդողանը մտադիր է պահպանել «Արդարություն եւ զարգացում» կուսակցության եւ «Ազգային շարժում» ազգայնական կուսակցության նախընտրական դաշինքը: Նրա խոսքով՝ «Ժողովրդական դաշինքը» կմնա խորհրդարանում, փոխանցում է Reuters-ը:
Հունիսի 24-ի ընտրությունների արդյունքներով ԱԶԿ-ն կորցրել է բացարձակ մեծամասնությունը խորհրդարանում, ուստի ստիպված է դաշինքներ փնտրել օրենքների ընդունման համար:
Վերլուծաբանները կարծում են, որ ծայրահեղ աջականների հետ ԱԶԿ-ի դաշինքը բացառում է ժողովրդավարական բարեփոխումները կամ քրդերի հետ խաղաղ ջանքերի վերսկսումը:
