Alieno ընկերությունը, որի կենտրոնակայանը գտնվում է Բուլղարիայում, ներկայացրել է Arcanum (լատիներենից՝ «գաղտնիք») անունով «ապագայի հիպերքարը»: Թոփային մոդիֆիկացիայում կարբոնային կուպեն կունենա 5521 ձիաուժ հզորությամբ եւ 8880 Նմ պտույտի պահով էլեկտրական ուժային սարք: Այսպիսի մեքենայի առավելագույն արագությունը կկազմի 488 կմ/ժ, փոխանցում է Motor-ը:
Հիպերքարի անիվները, մոնոկոկը, առջեւի եւ հետեւի շրջանակը պատրաստված են ամուր ածխամանրաթելային նյութից: Ստորին հատվածը ուժեղացված է կեւլարով: Ձեւախախտման եւ կառուցվածքային ուժեղացման գոտիները տեղադրված են մոնոկոկի ամբողջ պարագծով: Arcanum-ի թափքային պանելները նույնպես կարբոնից են պատրաստված:
Էլեկտրական հիպերքարի ուժային սարքը կարող է բաղկացած լինել 12 կամ 24 էլեկտրաշարժիչներից՝ ամեն անիվին 3-ից մինչեւ 6: Ըստ որում՝ դրանցից յուրաքանչյուրը էլեկտրոնիկայով է կառավարվում անհատապես: Սարքը կարելի է միացնել 3 ռեժիմով՝ Street, Track եւ Race, հզորության տեղաբաշխումը փոխելով առջեւի եւ հետեւի առանցքների միջեւ: Հիպերքարն ունի լիահաղորդակ, ծանրության վեկտորի հսկողության համակարգով եւ անիվներից յուրաքանչյուրի միջեւ պտտման պահի դինամիկ տեղաբաշխմամբ:
