Հայաստանի Կենտրոնական բանկը միջնաժամկետ հեռանկարում կարող է 1.5-2 տոկոսով կրճատել վերաֆինանսավորման տոկոսադրույքը: Նման կարծիք հունիսի 6-ին լրագրողների հետ հանդիպման ժամանակ հայտնեց ինովացիոն եւ ինստիտուցիոնալ հետազոտությունների կենտրոնի ղեկավար, տնտեսագետ Ատոմ Մարգարյանը:
Ըստ նրա` երկրում իրականացվող հակակոռուպցիոն քաղաքականությունը, պետական ծախսերի կրճատումը ռիսկերի նվազեցման կհանգեցնեն, այդ թվում՝ վարկային ռիսկերի: Այս պայմաններում ճիշտ կլինի ընդլայնող եւ նույնիսկ փոքր-ինչ ռիսկային դրամավարկային քաղաքականություն վարել:
«Գնաճային ռիսկերը մշտապես մնում են տնտեսության մեջ, սակայն ընթացիկ համակարգային փոփոխություններից հետո վերաֆինանսավորման տոկոսադրույքը, ինչպես նաեւ բանկերի պարտադիր պահուստավորման նորմը кարելի է նվազեցնել՝ դրանով իսկ նպաստելով շուկայում վարկավորման տոկոսադրույքների կրճատմանը»,- ասաց Ատոմ Մարգարյանը: Իսկ այժմ, ըստ տնտեսագետի, երկրում իրավիճակը «շոկային» է, եւ կարգավորիչի՝ վերաֆինանսավորման տոկոսադրույքը չբարձրացնելու մասին որոշումը ճիշտ է:
Հիշեցնենք, որ Հայաստանի Կենտրոնական բանկի խորհուրդը հունիսի 26-ի նիստին վերաֆինանսավորման տոկոսադրույքը պահպանել է 6 տոկոսի մակարդակում: