Քորնելի համալսարանի ինժեներները որոշել են ստիպել ռոբոտներին շարժվել պոպկորնի օգնությամբ՝ տաքանալիս եգիպտացորենի հատիկների լայնացումն օգտագործելով որպես շարժիչ ուժ, հաղորդում է Life-ը՝ վկայակոչելով IEEE Spectrum-ը:
Գաղափարը հիմնված է այն բանի վրա, որ եգիպտացորենի հատիկների մեջ առկա ջուրը տաքանալիս գոլորշու է վերածվում: Ընդ որում, օսլան փափկում է, սակայն հատիկի կեղեւը դեռ ամուր է եւ պահում է ճնշումը ներսից: Ճնշումը հասնում է ծայրահեղ կետին, երբ ջերմաստիճանը 200°C է: Այդ ժամանակ կեղեւը պատռվում է, իսկ օսլան եւ գոլորշին լայնանում են:
Ուսումնասիրելով եգիպտացորենի երեք տեսակ՝ ինժեներներն ընտրել են մեկը, որի ընդլայնման գործակիցն առավելագույնն էր: Մասնագետները փորձել են նաեւ տաքացման չորս տարբերակ (տաք օդով կամ ձեթով, միկրոալիքային վառարանով եւ մետաղական լարով): Երեք մեթոդի հիման վրա էլ ստեղծվել են ակտուատորների աշխատող նախատիպերը: