Huawei ընկերությունը ներկայացրել է MediaPad M5 Lite 10 եւ T5 10 նոր պլանշետները, որոնք եկել են փոխարինելու ավելի վաղ թողարկված M3 Lite 10 եւ T3 10-ին: Վաճառքները մեկնարկել են դեռ միայն Իտալիայում: Նորույթները հագեցած են հզոր HiSilicon Kirin 659 պրոցեսորով, Mali T830 MP2 գրաֆիկական կոնտրոլերով, Full HD էկրանով: Նշվում է, որ բոլոր պլանշետները մեկ ընդհանուր դիզայն ունեն: Աշխատում են Android OS 8.0 Oreo-ի հիման վրա:

Huawei MediaPad T5 10-ը 5 մեգապիքսել եւ 2 մեգապիքսել թույլատրությամբ երկու տեսախցիկ է ատացել եւ 5100 մԱժ, 3 Գբ եւ 16 Գբ հիշողությամբ մարտկոց: MediaPad M5 Lite 10-ը հագեցած է յուրաքանչյուրը 8 ՄՊ թույլատրությամբ երկու տեսախցիկով, 7500 մԱժ մարտկոցով եւ 3 եւ 32 Գբ հիշողությամբ:

MediaPad T5 10-ը կարելի է ձեռք բերել 200-280 եվրոյով, MediaPad M5 Lite-ը՝ 300-350 եվրոյով, հայտնում է Inforeactor-ը: