Կալիֆորնիայում Tesla ընկերության ավտոմեքենան ձախողել է արտակարգ ավտոարգելակման թեսթը: Այս մասին հայտնել է Electrek պորտալը, որը մասնագիտացած է էլեկտրական ավտոմքենաների եւ վերականգնվող էներգիայի աղբյուրների մասով:
Ըստ պորտալի՝ փորձարկումն անցկացվել է Լյուքսեմբուրգում ավտոմեքենաների թեսթավորման եւ ստանդարտացման համար պատասխանատու տեղական գերատեսչություններից մեկի կողմից: Մասնագետները ստուգել են Tesla Model S-ի եւ Volvo շվեդական ընկերության S90 սեդանի արգելակման ուղին: Վերջին ավտոմեքենան հաջողությամբ անցել է թեսթը, սակայն Model S-ը նույն պայմաններում չի կարողացել լիարժեք արգելակել բուտաֆորական պատին մոտ 30 կմ/ժ արագությամբ բախվելուց առաջ:
Tesla- ի ներկայացուցիչը պորտալի հետ զրույցում հաստատել է, որը ընկերությունը տեղյակ է եվրոպական թեսթի արդյունքների մասին: Ընդ որում, նա կասկածի տակ է դրել դրանց օբյեկտիվությունն ու հուսալիությունը: Ինչպես նշել են Tesla-ում, փորձարկումն իրականացրած գերատեսչությունը հրաժարվել է ընկերությանը հաշվետվություն ներկայացնել թեսթի անցկացման պայմանների մասին, ինչի կապակցությամբ ավտոարտադրողը «չի կարող հաստատել, որ փորձարկումն իսկապես ճշգրիտ է անցկացվել»: Ընդ որում, ընկերությունում խոստացել են ինքնուրույն իրականացնել անհրաժեշտ ստուգումները, փոխանցում է «ՏԱՍՍ»-ը: