Զինծառայողների համազգեստի հետ կապված, նաեւ այլ հարցերի հետ կապված միշտ էլ փոփոխություններ արվում են եւ խնդիր է դրված, որ որակն ավելի լավանա: Այս մասին, այսօր՝ հուլիսի 9-ին, Կենտրոնական հավաքակայանում լրագրողների հետ զրույցում նշեց ՀՀ վարչապետ Նիկոլ Փաշինյանը:
«Դա արվում է ոչ միայն թղթի վրա գրված չափանիշներով, այլեւ պրակտիկայից եկող ինֆորմացիան ամփոփելով: Նաեւ զինվորների, սպաների կարծիքներն են հաշվի առնվում, նաեւ գին-որակ հարաբերակցությունը: Եվ հագուստի, եւ կոշիկի, եւ սննդի հարցը պետք է բարելավվի, այստեղ երկրորդ կարծիք չկա»,-հայտարարեց Փաշինյանը:
