Բոլորը իրավունք ունեն ունենալ կարծիքներ, դատավարական որոշումները կայացնում են նախաքննություն եւ հետաքննություն իրականացնող մարմինները։
Փաշինյանը հրաժարվեց մեկնաբանել փաստահավաք խմբի ներկայացուցիչների այն պնդումները, որ Ռոբերտ Քոչարյանը պետք է հրավիրվեր ոչ թե որպես վկա, այլ որպես մեղադրյալ։ «Բոլորը իրավունք ունեն ունենալ կարծիքներ, դատավարական որոշումները կայացնում են նախաքննություն եւ հետաքննություն իրականացնող մարմինները»,–եզրափակեց նա։
Ավելի վաղ ՀՔԾ-ն հաստատել էր, որ Հայաստանի երկրորդ նախագահ Ռոբերտ Քոչարյանը հրավիրվել է հարցաքննության։ Երկրորդ նախագահի գրասենյակի ղեկավար Վիկտոր Սողոմոնյանը, սակայն, տեղեկացրել էր, որ Ռոբերտ Քոչարյանը Հայաստանում չէ։
