Նաիրիտցիները առավելագույնը մինչեւ մյուս շաբաթվա սկիզբը աշխատավարձերը կստանան։
Այս մասին այսօր՝ հուլիսի 9-ին կառավարության դիմաց բողոքի ցույց իրականացնող նաիրիտցիների հետ զրույցում ասաց առաջին փոխվարչապետ Արարատ Միրզոյանը։
«Վարչապետի հանձնարարականը եղել է, տեխնիկական պատճառով չի կատարվել։ Եթե այս շաբաթ չլինի, մյուս շաբաթվա սկզբներին կլինի»։
Միրզոյանը հավաստիացրեց, որ հարցը լուծված է։ «Եթե չլինի, նոր կգաք կասեք՝ բա ի՞նչ եղավ»։
Ցուցարարները հավելեցին, որ մեծ վստահություն ունեն գործող կառավարության նկատմամբ։