Մի քանի օր առաջ գերմանական կրկեսում ելույթի ժամանակ Մալու անունով էգ փղին նրա երկու ցեղակիցները հրել են դեպի հանդիսատեսի շարքերը: Արդյունքում հանդիսատեսներից մեկն աննշան վնասվածքներ է ստացել, իսկ մյուսները թեթեւակի վախեցել են, փոխանցում է Vesti-ն:
Մալուն կարողացել է ինքնուրույն ոտքի կանգնել եւ հեռանալ՝ մի ոտքից կաղալով: Կրկեսի ղեկավարությունը տեղի ունեցածը մեկնաբանելիս հայտնել է, որ կենդանիները կոնֆլիկտի մեջ էին հիերարխիկ սանդուղքում տեղի համար պայքարի շրջանակում, ըստ որում՝ իրավիճակը մի փոքր խորանում է նրանով, որ փղերը տարբեր վայրերում են մեծացել:
Ներկայումս կենդանիների պաշտպանները ակտիվորեն տարածում եւ մեկնաբանում են Մալուի ընկնելու հոլովակը՝ օրենսդիրներին կոչ անելով Գերմանիայում արգելել վարժեցված փղերի եւ այլ կենդանիների ելույթները:
