Մոսկվայի կենտրոնում զանգվածային ծեծկռտուք է տեղի ունեցել, որի հետեւանքով մի տղամարդ է մահացել։ Այս մասին հայտնում է Քննչական կոմիտեն։
Միջադեպը տեղի է ունեցել Տվերսկայա-Յամսկայա փողոցի սրճարաններից մեկի մոտ։
Հրապարակված տեսանյութում երեւում է, թե ինչպես է վեճի ժամանակ տղամարդկանցից մեկը գետնին ընկնում։ Այդ պահին վեճի մեկ այլ մասնակից ոտքով հարվածում է նրա գլխին, որից հետո վերջինս կորցնում է գիտակցությունը։
ՔԿ-ի տվյալներով, տուժողը ստացած վնասվածքներից տեղում մահացել է։
Դեպքի առթիվ քրեական գործ է հարուցվել։ Կասկածյալը ձերբակալվել է։ Նրան շուտով մեղադրանք կառաջադրվի եւ խափանման միջոց կընտրվի։