ՄԱԿ-ի գլխավոր քարտուղար Անտոնիու Գուտերեշը հայտարարել է աշխարհում ծայրահեղ աղքատությունը հաղթահարելու գործում դրական առաջընթացի մասին, գրում է ՏԱՍՍ-ը:
«Այն աշխատավորների մասնաբաժինը, որոնք չեն կարողանում իրենց ընտանիքը դուրս բերել ծայրահեղ աղքատությունից, զգալիորեն կրճատվել է»,- ասված է կայուն զարգացման նպատակների իրականացման ընթացքի մասին ՄԱԿ-ի գլխավոր քարտուղարի զեկույցում, որը ներկայացվել է բարձր մակարդակով քաղաքական ֆորումի նիստում:
«2000 թվականին ծայրահեղ աղքատության շեմին գտնվող անձանց թիվը 27% էր, իսկ հիմա՝ ընդամենը 9%»,- ասված է փաստաթղթում:
«Աղքատության օջախներ են մնում գյուղական շրջաններում: Հենց այստեղ է ապրում ծայրահեղ աղքատ բնակչությունը»,- փաստել է Գուտերեշը: Նրա կարծիքով՝ աղքատությունը հաղթահարելու գործում «պետք է օգնի սոցիալական պաշտպանության ինստիտուտների զարգացումը»:
