Ճապոնական Օկինավա պրեֆեկտուրայի Միյակո արշիպելագի Միյակոձիմա քաղաքի ամբողջ բնակչությունը (55 հազար մարդուց ավելի) տարհանվելու հրահանգ է ստացել՝ կապված մոտեցող «Մարիա» թայֆունի հետ, փոխանցում է «ՌԻԱ Նովոստի»-ն:
Թայֆունն ընդհուպ մոտեցել է նաեւ նույն պրեֆեկտուրայի Սակիսիմա հարավային կղզեխմբին:
Թայֆունի կենտրոնում ճնշումը կազմում է 935 հեկտոպասկել: Կենտրոնում քամու արագությունը հասնում է վայրկյանում 50 մետրի, ուժգնացման ժամանակ՝ մինչեւ վայրկյանում 70 մետրի:
Մոտեցող թայֆունի հետ կապված Ուրումա եւ Նահա քաղաքներում համապատասխանաբար գրանցվել է վայրկյանում 29,7 եւ 28,5 մետր քամու արագություն: Սպասվում են մինչեւ 12 մետր բարձրությամբ ալիքներ: Մինչեւ չորեքշաբթի մեկ օրում սպասվում է մինչեւ 350 մմ տեղումներ:
Օդերեւութաբանները կոչ են անում նախօրոք ձեռնարկել անվտանգության միջոցառումներ, ծովին չմոտենալ եւ առանց անհրաժեշտության փողոց դուրս չգալ: