Աշխատանքներ տարվում են 2015 թվականի հունիսին «Էլեկտրիկ Երեւանի» ժամանակ լրագրողների նկատմամբ բռնության գործերի բացահայտման ուղղությամբ։ Այս մասին այսօր՝ հուլիսի 10-ին լրագրողների հետ զրույցում նշեց ՀՔԾ պետ Սասուն Խաչատրյանը՝ պատասխանելով հարցին՝ արդյոք սպասել տեղաշարժ նաեւ վերոհիշյալ գործով։
«Ձեռքբերված ապացույցների հիման վրա օբյեկտիվ գնահատականներ կդրվեն»,–ասաց նա։
Հարցին՝ երեք տարվա ընթացքում ոչ մի ապացույց ձեռք չի բերվե՞լ, Սասուն Խաչատրյանը նշեց. «Ես չեմ ցանկանում հիմա ապացույցների մասին խոսել, բայց համոզված եղեք, որ ապացույցները կգնահատվեն օբյեկտիվ եւ կկայացվեն օբյեկտիվ որոշումներ»։