«Էրեբունի» ռուսական ավիացիոն ավիաբազան համալրվել է չորրորդ սերնդի երկու բազմանպատակային թեթեւ ճակատային «ՄիԳ-29» կործանիչներով: Այս մասին տեղեկացնում են Հարավային ռազմական օկրուգի մամուլի ծառայությունից:
«Արդիականացումից հետո ռուսական ավիաբազային թողնված «ՄիԳ-29» օդանավերը թույլ են տալիս օդային սահմանները հուսալիորեն պաշտպանել ԱՊՀ երկրների ՀՕՊ միացյալ համակարգի շրջանակում եւ կանոնավոր կերպով ուսումնական թռիչքներ կատարել միավորման մարտական պատրաստության նորմատիվային ծրագրերով»,- նշված է հաղորդագրության մեջ:
Միավորման ինժեներատեխնիկական կազմը մեկ ամսվա ընթացքում կկատարի օդանավերի հավաքումը եւ դրանք շարք մտցնելը, որից հետո օդանավակայանում կհատկացվեն հատուկ սարքավորված կայանատեղիներ:
