Բնապահպանության նախարարությունը պոչամբարների խնդիրը լուծելու համար Եվրամիությունից, հնարավոր է, մոտ 5 մլն եվրո դրամաշնորհ ստանա։ Այս մասին այսօր՝ հուլիսի 10-ին լրագրողների հետ զրույցում նշեց բնապահպանության նախարար Էրիկ Գրիգորյանը։
«Պոչամբարների մասով ասեմ, որ Եվրամիության հետ նախնական պայամանավորվել ենք, կարծում եմ, որ մոտ 5 մլն եվրո դրամաշնորհ կստանանք՝ Խորհրդային Միությունից մնացած պոչամբարների խնդիրները լուծելու համար»,–շեշտեց նա։
Նախարարը հայտնեց, որ դրանք ռեկուլտիվացվելու են։
«Այսօրվա պոչամբարների հետ կապված ունենք առաջադրանք, կմշակենք կենսաբանական ռեկուլտիվացման կարգը։ Հողի փոքր շերտ լցնել եւ ասել, որ պոչամբարը ռեկուլտիվացվել է, դա ռեկուլտիվացիա չէ։ Դրանից հետո ռեկուլտիվացված տարածքը պետք է վերադառնա տնտեսական գործունեության բնագավառ»,–եզրափակեց նախարարը։