«2019 թվականին եւ 2020 ու 2021 թվականների պլանային ժամանակահատվածում բյուջետային եւ հարկային քաղաքականության հիմնական ուղղությունները» հրապարակված փաստաթղթի համաձայն՝ Հայաստանը Ռուսաստան մի շարք բանջարեղեն արտահանելիս չի զրկվում արտոնություններից: Այս մասին հայտնել են Եվրասիական տնտեսական հանձնաժողովից՝ NEWS.am-ի խնդրանքով մեկնաբանելով փաստաթուղթը:
ԵՏՀ մասնագետների պարզաբանման համաձայն՝ ԵՏՄ շրջանակում ներմուծման մաքսատուրքերը Հայաստանի համար զրոյացվել են որպես Միության անդամ երկիր. «Խոսքը Հայաստանի Հանրապետության նախաձեռնությամբ կատարված փոփոխությունների մասին է ապրանքների ցանկում, որոնք ծագում են զարգացող երկրներից, որոնց նկատմամբ կիրառվում են ԵՏՄ սակագնային արտոնություններ: Այսպես՝ Հայաստանի նախաձեռնությամբ ցուցակից բացառվել են գազարը, բազուկը, հատապտղի մուրաբան, խաղողի հյութը, լոլիկը՝ պատրաստված կամ պահածոյացված, այդ թվում՝ տոմատի մածուկը, ԵՏՄ-ում ներքին առեւտրի խթանման նպատակով»: