Իսրայելի ոստիկանությունը կոռուպցիայի գործի շրջանակներում 4 օր շարունակ հարցաքննել է Իսրայելի վարչապետ Բենյամին Նեթանյահուին, հաղորդում է «Գազետա»-ն՝ վկայակոչելով Haaretz-ը:
Պարբերականի տվյալներով՝ Նեթանյահուն հարցաքննվել է տասներորդ անգամ: Փետրվարին տեղեկություններ էին ստացվել առ այն, որ իրավապահ մարմիններն ապացույցներ են գտել Նեթանյահուի կողմից կաշառակերության վերաբերյալ:
Թերթում նաեւ նշել են, որ վարչապետի տիկնոջ՝ Սառա Նեթանյահուի դատավարությունը հետաձգվել է մինչեւ հոկտեմբեր: Նա կասկածվում է պետական բյուջեից ռեստորանից պատվերների եւ ամուսնու նստավայրի համար սննդի ծառայությունների մատուցման նպատակով 100 հազար դոլար ծախսելու մեջ: