ՆԱՏՕ–ն ու Եվրամիությունը մտադիր են ընդլայնել համատեղ գործունեությունը։ Եվրահանձնաժողովի ղեկավար Ժան Կլոդ Յունկերը, ՆԱՏՕ գլխավոր քարտուղար Յենս Սթոլթենբերգը եւ Եվրոպական խորհրդի նախագահ Դոնալդ Տուսկը Բրյուսելում ստորագրել են համապատասխան հռչակագիր, փոխանցում է DW–ն։
Փաստաթղթում նշվում է, որ ԵՄ–ի եւ ՆԱՏՕ–ի գործընկերությունը անվտանգության եւ առողջ բանականության հարց է։ Եվրահանձնաժողովի ղեկավարը շեշտել է միանման արժեքները եւ ազատությանն ու ժողովրդավարությանը միանման հանձնառությունը։
Միաժամանակ, Յունկերը պնդում է իրար լրացնելու սկզբունքի շուրջ. «Մենք ունենք տարբեր ուժեղ կողմեր, որոնք օգտագործում ենք իրար օգնելու համար»,–հայտարարել է Յունկերը։
Կողմերը մտադիր են աշխատել 74 համատեղ նախագծերի իրականացման ուղղությամբ, որոնց թվում՝ հիբրիդային սպառնալիքներին դիմակայելը, կիբերանվտանգության, պաշտպանության եւ գիտական ուսումնասիրությունների հարցերը։
